Advertisement
 
 
 
 
 
 
 
 

Siporo | Siporo Mu Rwanda

Amagaju FC yashinzwe mu rwego rwo kubanisha Abanyagikongoro nyuma ya Jenoside   

  Yanditswe na BIZIMANA ERIC
 April 2016

 
 

Umwe mu bagize igitekerezo cyo gusubizaho ikipe y’Amagaju nyuma ya Jenoside yakorewe Abatutsi mu 1994, Karekezi Antoine, atangaza ko bongeye gusubizaho iyi kipe nk’ imwe mu nzira zo kunga no kubanisha abari batuye Perefegitura ya Gikongoro.

Bivugwa ko Amagaju yashinzwe n’umutware Rutaremara; yaje gusenyuka mu 1965 nyuma y’aho bamwe mu bakinnyi bayo bahunze itotezwa bakorerwaga bazira ko ari Abatutsi mu 1959 abandi mu 1963 .

Amagaju amaze gusenyuka yahise ahindukamo ikipe ya Perefegitura Gikongoro yitwaga Dynamique Sports yarimo abakinnyi bakiniraga Komini Karama, Kinyamakara n’andi yo muri Nyaruguru.

Nk’uko Karekezi abivuga, mu cyahoze ari Perefegitura Gikongoro habereye ubwicanyi ndengakamere dore ko ariho hari “zone Turquoise ", agace kagenzurwaga n’Abafaransa, kanagira uruhare runini mu guhungisha Interahamwe zakoze Jenoside. Aha ni naho hari agace ka Murambi ahaguye ibihumbi n’ibihumbi by’Abatutsi muri Mata 1994.

Yabwiye Imvaho Nshya ko nyuma ya Jenoside bashatse kureba icyahuza no kwegeranya abari barasigaye, maze bashinga ikipe yitwa les Amis Sportif de Gikongoro, nyuma hanashingwa ikipe y’Amagaju ku bufatanye n’abantu bakomokaga muri iyi Perefegitura bari batuye i Kigali.

Ati "Twashyizeho ikipe yitwa Amical Sportif de Gikongoro, agakipe k’abantu bakuze, bahuraga bagakina agapira. Hagati aho i Kigali, hari abantu bihuje bavukaga mu Bufundu nabo bishyirahamwe bashyiraho umuryango Amagaju".

Karekezi yakomeje avuga ko buhoro haziyeho igitekerezo cyo gushinga ikipe y’umupira w’amaguru abantu bose bibonamo.

Ati “ Umuryango Amagaju wahise ushyiraho ikipe Amagaju, uvuga uti iri izina ryari rizwi cyane, kandi ryahoze rihuza abantu benshi, rizatuma abantu basabana".

Karekezi yibuka ko ikipe yatangiriye mu cyiciro cya kabiri ariko inanirwa kuzamuka, iza gucika intege iranahagarara. Muri 2001, Amagaju yongeye kubyutswa na Mutagomwa Felix wari Burugumesitiri, anayiha izina ry’Amagaju Dyanamique Sport. Izina ryaje kongera guhindurwa na Munyentwali Alphonse wari umuyobozi w’akarere ka Nyamagabe (Ubu ni Guverineri w’Intara y’Amajyepfo).

Karekezi asoza ashimira ko ibyo bifuzaga byagezweho avuga ko intego yari uguhuza abantu, kandi yagezweho.

 

Comments

 
 
Seninga mu ihurizo rikomeye mbere yo guhura na Rayon Sports
Seninga mu ihurizo rikomeye mbere yo guhura na Rayon Sports

Umutoza wa Police FC, Seninga Innocent ari mu mibare ihambaye yo kubona myugariro wo gufatanya na Umwungeli Patrick mu bwugarizi bwo hagati (Central defense) ku mukino uzahuza Police FC na Rayon (...)

Bitayigoye, Rayon Sports yakomeje mu mikino ya Afurika
Bitayigoye, Rayon Sports yakomeje mu mikino ya Afurika

Rayon Sports 2-0 Al Wau Salaam (6-0) Ikipe ya Rayon Sports yabonye itike yo gukomeza mu cyiciro cya kabiri cy’imikino y’amajonjora mu mikino ya Afurika y’amakipe yitwaye neza iwayo “Total CAF (...)

APR FC yasezerewe na Zanaco FC mu mikino y’Afurika
APR FC yasezerewe na Zanaco FC mu mikino y’Afurika

APR FC 0-1 Zanaco FC Ikipe ya APR FC yasezerewe mu mikino y’Afurika y’amakipe yabaye aya mbere iwayo “Total CAF Champions League 2017” itsinzwe na Zanaco FC yo muri Zambia igitego 1-0 mu mikino (...)

Ibyo ukwiye kumenya ku Munyarwandakazi ushaka kwandikwa muri Guinness World Record
Ibyo ukwiye kumenya ku Munyarwandakazi ushaka kwandikwa muri Guinness World Record

Kuva kuri uyu Gatanu saa mbiri za mu gitondo, Uwamahoro Cathia, araba aharanira gukora bwa mbere umuhigo utarigeze ubaho kuva isi yaremwa, wo kwandikwa mu gitabo cy’abanyaduhigo nk’umukinnyi (...)

Umutoza wa Marines FC ati «Ntako bisa gutsinda Espoir  FC yakanze abantu»
Umutoza wa Marines FC ati «Ntako bisa gutsinda Espoir FC yakanze abantu»

Umutoza w’ikipe ya Marines FC, Nduhirabandi Abdoulkarim uzwi ku izina rya Coka aravuga ko yishimiye gutsinda ikipe ya Espoir FC yari imaze iminsi yitwara neza mu mikino ya shampiyona. Ni nyuma (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.