2017-07-22 13:49:51 clouds 27o High | Kigali Rwanda

Dukurikire:
 
 

Akarere ka Huye kahagurukiye ikibazo cyo kwegura kw’abayobozi ba Mukura

Yanditswe na IMVAHO NSHYA

Kuya 2016-09-29 08:05:23

 
Share on:
 
Yasuwe:7
 
Yavuzweho:200
 
10
 
10

Ubuyobozi bw’Akarere ka Huye gasanzwe ari umuterankunga mukuru w’ikipe ya Mukura burasaba ko hategurwa inama y’inteko rusange idasanzwe y’iyi kipe nyuma yo kwegura kw’abayobozi.

Umunyamabanga mukuru wa Mukura, Sheikh Habimana Hamdan ku wa Kabiri taliki 27 Nzeri 2016 mu gitondo yeguye ku mpamvu ze bwite na Nizeyimana Olivier wari Perezida w’iyi kipe yegura ku mugoroba ku cyo yise “Impamvu bwite, nyuma yo kubona ubusabe bw’abakinnyi b’ikipe bamusabaga kutemera ubwegura bw’umunyamabanga we yamenyeye kuri whatsapp no mu bitangazamakuru kandi atabifitiye ubushobozi’’.

Nk’uko bigaragaragara mu ibaruwa yanditse ari muri Canada aho yari akiri kuva muri “Rwanda Day” yabaye ku wa Gatandatu taliki 24 Nzeri 2016 muri USA.

JPEG - 288.5 kb
Nyuma yo kwegura kwa Perezida w’ikipe ya Mukura , Nizeyimana Olivier, Akarere ka Huye kasabye ko haba inama y’inteko rusange

Nyuma y’uku kwegura umuyobozi w’Akarere ka Huye, Kayiranga Muzuka Eugene yagiye gusura abakinnyi ba Mukura abibutsa ko ubuzima butagomba guhagarara kuko ikipe itubakira ku bantu runaka.

Nyuma yo kubonana n’abakinnyi, Muzuka yabwiye Imvaho Nshya ko nk’ikipe y’akarere bihutiye gukurikirana ibibazo biyirimo gusa ntibabona amakuru ahagije kuko uwari Perezida w’ikipe atari mu Rwanda naho umunyamabanga mukuru akababwira ko ari impamvu ze bwite.
Ati ’’Ntituravugana nabo, kuko nka Perezida (Nizeyimana) atari mu Rwanda. Umunyamabanga twamubajije, atubwira ko ari impamvu ze bwite.Tukaba duhamya ko mu nteko rusange ari ho bazabisobanurira kuko kugira ngo Perezida yegure abishyikiriza inteko rusange’’.

Yungamo ati “Uwakabaye ayitumiza ni Perezida ntawe uhari, visi Perezida twagerageje kumuhamagara telefoni ye ntiyayifata ariko byanze bikunze igomba kubaho, ariko ntitwifuza ko yatinda kugira ngo hatagira icyuho kigaragara’’.

Muzuka avuga ko Akarere ka Huye kadashimishijwe no kumva ko abari abayobozi beguye kuko nta kibazo bari bafitanye na Komite.

Ati “Ntidushyigikiye ko begura. Kuko yaba umunyamabanga, twari tumuzi nk’umuntu ukora neza. Perezida yari umuntu witanga, wari umaze kugeza ikipe ahantu heza. Komite yabo nta bibazo byabagamo. Kwegura kwabo byatubabaje. Kuri icyo dushyigikiye ni uko ubuzima bw’ikipe bwakomeza, ikipe igakomeza igatera imbere.

Umunyamabanga mukuru wa Mukura weguye yari asanzwe atanga miliyoni 15 mu ngengo y’imari akanayikurikirana buri munsi. Yinjiye muri Komite muri Nyakanga 2015. Nizeyimana Olivier ni Perezida wa Mukura kuva mu 2011. Asamzwe atanga miliyoni 25 mu ngengo y’imari akanatanga imodoka itwara abakinnyi mu mikino yose baba bitabiriye.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE