Advertisement
 
 
 
 
 
 
 
 

Siporo | Siporo Mu Rwanda

Akarere ka Gicumbi kahagaritse gufasha ikipe yako y’umupira w’amaguru   

  Yanditswe na BIZIMANA Eric
 August 2016

 
 

Ubuyobozi bw’akarere ka Gicumbi bwafashe icyemezo cyo guhagarika amafaranga bwatangaga yo gutunga ikipe ya Gicumbi FC, ahubwo buha abaturage b’aka karere inshingano zo kuzayifasha ubwabo.

Iki cyemezo cyafashwe n’Inama njyanama y’ akarere ka Gicumbi nyuma yo kubona ko aka akarere kagize icyuho mu misoro y’ingengo y’imari y’umwaka ushize aho hinjiye gusa miliyoni 800 mu gihe hari umuhigo wo kwinjiza miliyari imwe na Miliyoni 200 z’amafaranga y’u Rwanda.

Antoine Dukuzumuremyi, umunyamabanga mukuru akaba n’umuvugizi w’ikipe yabwiye Imvaho Nshya ko iki cyuho cyatumye Gicumbi Fc ibona miliyoni 50 mu gihe yari yemerewe n’akarere miliyoni 90.

Byanatumye iterwa mpaga mu mpera za shampiyona ku mukino wagombaga kuyihuza na Kiyovu Sports kuri Stade ya Gicumbi.

Mudaheranwa Juvenal, umuyobozi w’akarere ka Gicumbi yabwiye Imvaho Nshya ko iki cyemezo bagifashe nyuma yo kubona ko hari ibibazo mu kwinjira ku imisoro, kandi iba ikenewe mu yindi mishinga yo guteza imbere abaturage.

JPEG - 81.4 kb
Ikipe ya Gicumbi FC ntigifashwa n’akarere

Ati:’’Ingengo y’imari ntiyabeshaho ikipe ku buryo burambye. Kuko hari igihe ishobora kugabanyuka ubundi ikanabura.Twasanze uburyo bwiza ari uko yabeshwaho n’abafana kandi barahari, bakabikora ku ishema bumva ko ikipe ari iy’akarere ke. ’

’ Imvaho Nshya yifuje kumenya impamvu akarere ka Gicumbi ariko gafashe icyemezo cyo guhagarika gufasha ikipe mu gihe hari utundi turere (nka Bugesera, Huye, Nyamagabe, Kirehe, Muhanga, Rubavu na Musanze) tukibikora kandi harimo n’udushobora kuba twinjiza imisoro mike ugereranyije na Gicumbi cyane cyane utwo mu cyaro.

Mudaheranwa ati: ’’Sinzi niba utwo turere dufite amakipe akomeye, atajya agira ibibazo. Twe mu minsi ya nyuma twatangiye kubigira. Dusanga ari wo muti wo kuba Stable bitari bya bindi ikipe ikomera umwaka umwe undi mwaka ikabura amafaranga.

Niba se ikipe ibeshejweho n’imisoro y’akarere kandi akarere gafite indi mishinga minini, kandi byose bikemurwa hakoreshwejwe iyo misoro,akaba ari ibintu bihinduka ! Ubwo ntiwabeshaho ikipe muri ubu buryo.’’

Abaturage bagiye kwisuganya mu mirenge , hamaze gutoranywa abagize komite ya Gicumbi FC kuri buri murenge, aba bakazahura mu nteko rusange izaba mu cyumweru gitaha, aho bazatekereza uko amafaranga yo gufasha ikipe azaboneka.

Umuyobozi w’aka karere ashimangira ko abaturage bagomba kumva ko gupfa no gukira kwa Gicumbi FC biri mu maboko yabo. Umuyobozi w’akarere gusa yizeza ko batazatererana iyi kipe, ndetse ko nihagira amafaranga aboneka yaba uyu mwaka cyangwa utaha bazayaha iyi kipe.

Antoine Dukuzumuremyi, umunyamabanga wa Gicumbi FC we avuga ko ibi bishobora gushoboka nubwo bigoye.

Ati ”Ni bo bazi uko bizakorwa , gusa twe tumenyereye gutunga amakipe twumvaga bidashoboka ariko ubuyobozi bugira imbaraga zabwo. Ni ibintu bitunguranye kandi no gushoboka ntibishoboka pe.”

 

Comments

 
 
Basketball: Patriots BBC irakira REG BBC mu mukino w’ishiraniro
Basketball: Patriots BBC irakira REG BBC mu mukino w’ishiraniro

Uyu munsi : Espoir BBC- APR BBC (Amahoro-19h00) ; Patriots BBC - REG BBC (Amahoro -21h00) Ejo tariki 29-04-2017: IPRC Kigali - CSK BBC (Amahoro-16h00) Tariki 30-04-2017: UGB BBC - Rusizi BBC (...)

Rayon Sports: Nshimiyimana yemeje ko nta kibazo afitanye na Masudi
Rayon Sports: Nshimiyimana yemeje ko nta kibazo afitanye na Masudi

Umutoza wungirije wa Rayon Sports, Nshimiyimana Maurice bakunze kwita Maso yatangaje ko nta kibazo afitanye n’umutoza mukuru Masudi Djuma. Masudi Djuma yahagaritswe imikino ibiri n’ubuyobozi (...)

Mu Rwanda hari abana bafite impano ariko ntibategurwa neza-Rubona
Mu Rwanda hari abana bafite impano ariko ntibategurwa neza-Rubona

Umutoza w’ishyuri ry’umupira w’amaguru ry’ikipe ya APR FC, Rubona Emmanuel atangaza ko mu Rwanda hari abana bafite impano mu mupira w’amaguru ariko bakaba badategurwa neza. Umutoza Rubona (...)

Kwizera Olivier ni we nzaraga inkoni yanjye mu ikipe y’igihugu-Ndoli
Kwizera Olivier ni we nzaraga inkoni yanjye mu ikipe y’igihugu-Ndoli

Ndoli Jean Claude, umunyezamu wa AS Kigali n’ikipe y’igihugu “Amavubi” arahamya ko Kwizera Olivier ari we munyezamu yakwifuza kubona asigara mu izamu ry’ikipe y’igihugu “Amavubi” cyane ko abasigaye (...)

Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.