Advertisement
 
 
 
 
 
 
 
 

Siporo | Siporo Mu Rwanda

Abatoza basanga igisibo cya Ramadhan kiri kugira ingaruka ku bakinnyi   

  Yanditswe na BIZIMANA ERIC
 June 2016

 
 

Abatoza batandukanye b’amakipe y’icyiciro cya mbere mu mupira w’amaguru mu Rwanda baravuga ko igisibo gitagatifu cya Islam (Ramadhan) kiri kugira ingaruka ku musaruro w’abakinnyi babo.

Ramadhan ni rimwe mahame atanu y’idini rya Islam, risaba abayoboke b’iri dini kwigomwa haba ibyo kurya n’ibindi bibashimisha bakarangamira Imana.

Muri uku kwezi abayoboke b’idini ya Islam ntibemerewe gufata ifunguro n’amazi yo ku manywa ariko baba bashobora kubifata izuba rirenze no mu rukerera. Ibi ni nako bimeze ku bayisilamu bo mu mupira w’amaguru w’u Rwanda nabo bakurikiza aya mahame kabone n’ubwo bibagora gukina imikino ya shampiyona ikunze kuba i saa cyenda n’igice (15h30) ku izuba ryinshi nk’uko bivugwa na Niyonzima Ally ukinira Mukura.

JPEG - 1.1 Mb
Seninga Innocent utoza Etincelles asanga Ramadhan imudindiriza abakinnyi

Bamwe mu batoza bo mu cyiciro cya mbere baganiriye n’Imvaho Nshya bavuze ko gusiba kurya no kunywa bigira ingaruka ku musaruro w’aba bakinnyi mu kibuga.

Umutoza wa Mukura, Okoko ufite abakinnyi batanu muri 11 babanza b’abayisilamu aragira ati "Biragoye gukina uri mu gisibo, kuko udashobora kunywa amazi, nturye saa sita. Utariye nta ngufu ubona".

Seninga Innocent utoza Etincelles FC, yavuze ko yasabye abakinnyi be kujya bigomwa umunsi w’umukino bakarya, bakazawishyura nyuma y’igisibo baranga. Akaba avuga ko mu mikino 2 iheruka yose yatsinzwe igitego mu minota ya mbere kandi agakeka intandaro yabyo mu gusiba kw’abakinnyi.

 

Comments

 
 
Habimana yegukanye imidali itatu mu mukino w’amagare utamenyerewe mu Rwanda
Habimana yegukanye imidali itatu mu mukino w’amagare utamenyerewe mu Rwanda

Abakinnyi babiri b’Abanyarwanda basanzwe bakina umukino wo gusiganwa ku magare ari bo Habimana Jean Eric ukinira Fly na Munyaneza Didier ukinira Benediction Club y’ i Rubavu bari muri Afurika (...)

Inteko rusange ya FERWAFA yitezweho gutangiza amarushanwa y’ingimbi
Inteko rusange ya FERWAFA yitezweho gutangiza amarushanwa y’ingimbi

Inama y’inteko rusange isanzwe y’ishyirahamwe ry’umupira w’amaguru mu Rwanda “FERWAFA” yitezweho gushaka umuti urambye ku bibazo bikibangamiye umupira w’amaguru mu Rwanda binarimo icy’amarushanwa (...)

Rayon Sports yatsinze Bugesera FC ikomeza kuyobora shampiyona
Rayon Sports yatsinze Bugesera FC ikomeza kuyobora shampiyona

Bugesera FC 0-1 Rayon Sports Ikipe ya Rayon Sports nyuma yo gutsinda Bugesera FC igitego 1-0 mu mukino w’umunsi wa 21 ikomeje kuyobora urutonde rwa shampiyona bikomeza no kuyiha amahirwe yo (...)

Bugesera FC igiye kwakira Rayon Sports iyoboye shampiyona
Bugesera FC igiye kwakira Rayon Sports iyoboye shampiyona

Bugesera FC-Rayon Sports (Nyamata-15h30) Ikipe ya Bugesera FC irakira ikipe ya Rayon Sports iyoboye urutonde rwa shampiyona by’agateganyo mu mukino urabera i Nyamata saa cyenda n’igice (15h30) (...)

Volleyball: Nkurunziza  weguye ku buyobozi agiye gusimbuzwa
Volleyball: Nkurunziza weguye ku buyobozi agiye gusimbuzwa

Nkurunziza Gustave wari uherutse kongera gutorerwa kuyobora ishyirahamwe ry’umukino wa Volleyball mu Rwanda “FRVB” muri manda ya kabiri yeguye nyuma y’ukwezi kumwe. Ku mugoroba wo ku wa Mbere (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.