2017-07-22 13:49:51 clouds 27o High | Kigali Rwanda

Dukurikire:
 
 

Abasaga 1500 ni bo bashobora kwitabira isiganwa i Bugesera

Yanditswe na IMVAHO NSHYA

Kuya 2016-06-13 05:54:28

 
Share on:
 
Yasuwe:2
 
Yavuzweho:200
 
10
 
10

Uyu munsi taliki 12 Kamena 2016, umuryango washinzwe n’uwahoze ari umukinnyi w’imikino ngororamubiri, Gasore Serge “Gasore Serge Foundation” wateguye irushanwa rigamije kwimakaza ubumwe n’ubwiyunge ndetse no kugaragaza impano za bamwe.

Gasore Serge ubusanzwe uba muri USA ariko akaba akomoka i Ntarama muri Bugesera yatangaje ko iri rushanwa biteguye ko rishobora kwitabirwa n’abantu basaga 1500. Aba baraza gusiganwa ku maguru mu byiciro bitandukanye birimo ibilometero 15 ndetse n’abasiganwa bishimisha baza gusiganwa ibilometero 5. Hari kandi n’abasiganwa ku magare.

Ikindi cyiyongeraho akaba ari abaza gusiganwa bakora urugendo ibyo bita “Walk” uwa mbere akaza no guhembwa, ibi bikaba ari ubwa mbere biza kuba bibaye mu Rwanda.

JPEG - 161.2 kb
Gasore Serge utangaza ko iri rushanwa ryishimiwe cyane, akaba yizera ko riza kugenda neza

Gasore yatangarije Imvaho Nshya ko aba bantu bavuye ahantu hatandukanye mu Rwanda. Akaba avuga ko muri Bugesera babyakiriye neza ndetse anashimira inzego z’umutekano zirimo Polisi y’igihugu zamwemereye kumufasha. Yakomeje avuga ko mu baza gusiganwa harimo n’abasanzwe bamenyerewe mu Rwanda nka Muhitira Felicien bakunze kwita Magare, Sebahire Eric n’abandi bari mu makipe nka APR.

Ibihembo birashimishije

Gasore yatangaje ko ibihembo baza gutanga barimo bakibitegura gusa avuga ko harimo amafaranga, amagare, telefone, ibikoresho by’ishuri ku bana n’ibindi. Avuga ko iri rushanwa rifite intego yo gukangurira abantu kubana neza mu mahoro. Kuri Gahunda iri siganwa riratangira saa moya (07h00) ritangirire i Nyamata kuri Golden Tulip Hotel.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE