Advertisement
 
 
 
 
 
 
 
 

Siporo | Siporo Mu Rwanda

Abanyamakuru na FERWAFA bahejeje mu bwigunge shampiyona y’icyiciro cya kabiri   

  Yanditswe na BIZIMANA ERIC
 June 2016

 
 

Umutoza w’ikipe ya Vision FC, Namahoro Yves, yatunze agatoki ishyirahamwe ry’umupira w’amaguru “FERWAFA” n’itangazamakuru avuga ko bidashyira imbaraga mu kumenyekanisha icyiciro cya kabiri cy’umupira w’amaguru.

Uyu mutoza asanga itangazamakuru ritagera mu cyiciro cya kabiri, kugira ngo rivuge ku mpano zikirimo, bigatuma abakinnyi beza bo muri iki cyiciro batamenyekana ngo babone n’amakipe abagura.

Yagize ati "Turi mu bwigunge. Itangazamakuru ntirihagera kugira ngo rivuge abakinnyi bahari, nyamara hari abakinnyi beza. Itangazamakuru riramutse ribegereye, ryabagaragaza kuko hari abakinnyi benshi bafite impano".

JPEG - 34.2 kb
Umutoza wa Vision FC, Namahoro Yves

Yakomeje agira ati "Ntawe umenya ko twakinnye, ntawe umenya aho twakiniye, turi abantu bibereye mu bwigunge".

Namahoro anashyira mu majwi FERWAFA kuko nta kintu kinini ikora mu kumenyekanisha iki cyiciro nyamara gifite akamaro mu iterambere ry’umupira w’amaguru mu Rwanda.

Aha uyu mutoza wa Vision FC yatanze urugero rw’uko nta bantu benshi bazi ko iyi kipe ari yo ya mbere mu itsinda A n’amanota 34 n’imikino ibiri y’ibirarane, ikaba irusha United Stars ya kabiri amanota 2.

Vision ni ikipe yo ku Kimisagara ifashwa na Perezida wayo, ikaba initegura kubona abaterankunga bo mu Bubiligi mu gihe izaba igeze mu cyiciro cya mbere nk’uko bivugwa n’umutoza wayo.

 

Comments

 
 
Habimana yegukanye imidali itatu mu mukino w’amagare utamenyerewe mu Rwanda
Habimana yegukanye imidali itatu mu mukino w’amagare utamenyerewe mu Rwanda

Abakinnyi babiri b’Abanyarwanda basanzwe bakina umukino wo gusiganwa ku magare ari bo Habimana Jean Eric ukinira Fly na Munyaneza Didier ukinira Benediction Club y’ i Rubavu bari muri Afurika (...)

Inteko rusange ya FERWAFA yitezweho gutangiza amarushanwa y’ingimbi
Inteko rusange ya FERWAFA yitezweho gutangiza amarushanwa y’ingimbi

Inama y’inteko rusange isanzwe y’ishyirahamwe ry’umupira w’amaguru mu Rwanda “FERWAFA” yitezweho gushaka umuti urambye ku bibazo bikibangamiye umupira w’amaguru mu Rwanda binarimo icy’amarushanwa (...)

Rayon Sports yatsinze Bugesera FC ikomeza kuyobora shampiyona
Rayon Sports yatsinze Bugesera FC ikomeza kuyobora shampiyona

Bugesera FC 0-1 Rayon Sports Ikipe ya Rayon Sports nyuma yo gutsinda Bugesera FC igitego 1-0 mu mukino w’umunsi wa 21 ikomeje kuyobora urutonde rwa shampiyona bikomeza no kuyiha amahirwe yo (...)

Bugesera FC igiye kwakira Rayon Sports iyoboye shampiyona
Bugesera FC igiye kwakira Rayon Sports iyoboye shampiyona

Bugesera FC-Rayon Sports (Nyamata-15h30) Ikipe ya Bugesera FC irakira ikipe ya Rayon Sports iyoboye urutonde rwa shampiyona by’agateganyo mu mukino urabera i Nyamata saa cyenda n’igice (15h30) (...)

Volleyball: Nkurunziza  weguye ku buyobozi agiye gusimbuzwa
Volleyball: Nkurunziza weguye ku buyobozi agiye gusimbuzwa

Nkurunziza Gustave wari uherutse kongera gutorerwa kuyobora ishyirahamwe ry’umukino wa Volleyball mu Rwanda “FRVB” muri manda ya kabiri yeguye nyuma y’ukwezi kumwe. Ku mugoroba wo ku wa Mbere (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.