Advertisement
 
 
 
 
 
 
 
 

Siporo | Siporo Mu Rwanda

Abakinnyi bava mu Mavubi bakigira indakoreka banenzwe   

  Yanditswe na BIZIMANA Eric
 May 2016

 
 

Umutoza wa Sunrise FC, Habimana Sosthene wakiniye akanaba umutoza muri Rayon Sports yagaye yivuye inyuma abakinnyi bananirana bavuye mu ikipe y’igihugu.

Ibi yabivuze nyuma y’impaka zimaze iminsi mu bakurikirana umupira w’amaguru, z’uko hari abakinnyi bava mu ikipe y’igihugu bagatangira kugira imyitwarire idahwitse no gusuzugura abatoza n’abakinnyi bagenzi babo, bibwira ko bageze ku rundi rwego.

Bamwe mu batarashimishijwe n’imyitwarire y’abakinnyi babo ni Rubona Emmanuel wari umutoza mukuru wa APR FC , Nshimiyimana Eric, umutoza wa AS Kigali waje kwerura ko rutahizamu Sugira Ernest yavuye muri CHAN 2016 yarahinduye imyitwarire ndetse na Okoko wo muri Mukura wanenze umukinnyi we Hakizimana Muhadjiri .

JPEG - 24 kb
Umutoza Habimana Sosthene.

Habimana Sosthene avuga ko biteye agahinda kumva umukinnyi wari wagiriwe icyizere n’Abanyarwanda aza akitwara nabi mu ikipe.

Ati "Guhamagarwa ni icyizere igihugu kiba cyakugiriye. Iyo ugarutse wakabaye ufite ubukure mu kinyabupfura. Hari abava mu ikipe y’igihugu agahita yiha ikiruhuko kandi imikino yegeranye, nyamara yakabaye abanza kubivugana n’umutoza. Umukinnyi akwiye kumenya ko kujya mu ikipe y’igihugu abikesha ikipe ye, bityo ko anakwiye kuyiha umusaruro".

Uyu mutoza akaba asaba bakinnyi kuba intangarugero mu myitwarire. Ati “ Bakwiye kuba icyitegererezo muri bagenzi babo ”.

 

Comments

 
 
Rayon Sports yatsinze Bugesera FC ikomeza kuyobora shampiyona
Rayon Sports yatsinze Bugesera FC ikomeza kuyobora shampiyona

Bugesera FC 0-1 Rayon Sports Ikipe ya Rayon Sports nyuma yo gutsinda Bugesera FC igitego 1-0 mu mukino w’umunsi wa 21 ikomeje kuyobora urutonde rwa shampiyona bikomeza no kuyiha amahirwe yo (...)

Bugesera FC igiye kwakira Rayon Sports iyoboye shampiyona
Bugesera FC igiye kwakira Rayon Sports iyoboye shampiyona

Bugesera FC-Rayon Sports (Nyamata-15h30) Ikipe ya Bugesera FC irakira ikipe ya Rayon Sports iyoboye urutonde rwa shampiyona by’agateganyo mu mukino urabera i Nyamata saa cyenda n’igice (15h30) (...)

Volleyball: Nkurunziza  weguye ku buyobozi agiye gusimbuzwa
Volleyball: Nkurunziza weguye ku buyobozi agiye gusimbuzwa

Nkurunziza Gustave wari uherutse kongera gutorerwa kuyobora ishyirahamwe ry’umukino wa Volleyball mu Rwanda “FRVB” muri manda ya kabiri yeguye nyuma y’ukwezi kumwe. Ku mugoroba wo ku wa Mbere (...)

Amagare: Ikipe y’u Rwanda yasoje ari iya gatatu muri Tour du  Cameroun
Amagare: Ikipe y’u Rwanda yasoje ari iya gatatu muri Tour du Cameroun

Ikipe y’u Rwanda yari yitabiriye isiganwa rya “Tour du Cameroun 2017” kuva taliki 11-19 Werurwe 2017 ntabwo yitwaye neza nk’uko byari byitezwe nyuma y’aho umukinnyi waje hafi yaje ku mwanya wa 10 (...)

Umutoza wa APR FC aracyafite icyizere cyo kwegukana igikombe
Umutoza wa APR FC aracyafite icyizere cyo kwegukana igikombe

Nyuma y’umunsi wa 21 wa shampiyona y’icyiciro cya mbere, ikipe ya APR FC iri ku mwanya wa 2 n’amanota 41 irushwa amanota 2 na Rayon Sports iri ku mwanya wa mbere n’amanota 43 gusa iyi kipe ikaba (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.