2017-06-25 13:58:23 clouds 27o High | Kigali Rwanda

Dukurikire:
 
 

Abakinnyi batanu ba ruhago bagize ibigwi bikomeye mu myaka 16 ishize

Yanditswe na IMVAHO NSHYA

Kuya 2016-10-16 05:55:49

 
Share on:
 
Yasuwe:11
 
Yavuzweho:200
 
10
 
10

Mu mateka y’umupira w’amaguru wagiye ukinwa n’abakinnyi batandukanye ku isi, hari bamwe babaye ibirangirire bituma batazigera bibagirana mu mitima y’abakunzi bawo.

LIONEL MESSI

JPEG - 132.6 kb
Lionel Messi ukinira ikipe ya FC Barcelone umaze kwegukana Ballon d’Or eshanu

Messi ukomoka muri Argentine, wazamukiye muri “La Masia”, ishuri ryigisha umupira w’amaguru rya Barcelone bidatunguranye ni we uhiga abandi mu myaka 16. Messi ni umukinnyi ukomeye w’ibihe byose mu mateka y’mupira w’amaguru ku isi aho afite agahigo ko kwegukana Ballon d’Or eshanu. Uyu mukinnyi yegukanye ibikombe 4 bya UEFA Champions League, 8 bya shampiyona ya Espagne n’ ibikombe 4 by’Umwami.

CRISTIANO RONALDO

Ronaldo ukinira Real Madrid, ni umwe mu bakinnyi beza bakina umupira w’amaguru mu iki kinyejana. Uyu mukinnyi ufite Ballon d’Or eshatu, yegukanye ibikombe bitatu bya UEFA Champions League, bine bya shampiyona yatwaye ari muri Manchester United na Real Madrid. Ronaldo afite agahigo ko kuba rutahizamu w’ibihe byose wa Real Madrid kimwe n’abakinnyi banyuze muri iyi kipe bakomeye barimo Raul Gonzales na Ronaldo Da Lima.

ZIDANE ZIDANE

Uyu Mufaransa yabaye umukinnyi mwiza bidasubirwaho mu kibuga hagati muri buri kipe yanyuzemo mu gihe cye akina umupira w’amaguru. Uyu mukinnyi wagize ibigwi bikomeye mu mwuga we mbere ya 2000, yari mu ikipe y’u Bufaransa yegukanye igikombe cy’isi mu 1998 n’igikombe cy’u Burayi muri 2000 biza kumuhesha kwerekeza muri Real Madrid. Muri Real Madrid, Zidane yegukanye UEFA Champions League muri 2002 n’igikombe cya shampiyona ya Espagne muri 2003.

RONALDO DE LIMA

Ronaldo ukomoka muri Brazil, yari rutahizamu wari utinyitse mu ntangiriro z’ikinyejana cya 21. Uyu mukinnyi yagize ibihe byiza mu gihe cye akina umupira w’amaguru mbere ya 2000. Yakomeje gufatwa nk’umwe mu bakinnyi beza mu isi kugera mu mpera ya 2005. Yabaye umukinnyi mwiza w’umwaka wa FIFA inshuro eshatu, yongeye kwigaragaza ubwo yafashaga Brazil kwegukana igikombe cy’isi muri 2002 nyuma yo gutsinda ibitego 8 muri iri rushanwa.

RONALDINHO

Umunyabigwi Ronaldinho Gaucho yari umwe mu bakinnyi bari bafite ubuhanga budasanzwe mu mateka y’umupira w’amaguru ndetse yari inkingi ya mwamba mu ikipe ya Brezil yatwaye igikombe cy’isi muri 2002. Ronaldinho ufite Ballon d’Or imwe muri 2005, yatwaranye na Barcelone ibikombe bibiri bya shampiyona n’igikombe cya UEFA Champions League.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE