Advertisement
 
 
 
 
 
 
 
 

Siporo | Siporo Mu Rwanda

Abakinnyi ba Mukura barasaba ko Umunyamabanga wayo weguye agaruka   

  Yanditswe na MURENGERANTWARI DOMINIQUE
 3 months ago

 
 

Abakinnyi ba Mukura banditse ibaruwa basaba ko Sheikh Habimana Hamdan, umunyamabanga mukuru w’iyi kipe kugaruka ku mirimo ye nyuma y’aho ejo ku wa Kabiri, nyuma y’amezi 14 atowe yatangaje ko yeguye ku mirimo ye.

Sheikh Habimana Hamdan akaba kandi yari asanzwe atanga miliyoni 15 mu ngengo y’imari ya Mukura, yatangaje ko yeguye ku mpamvu ze bwite adakwiye gusobanurira itangazamakuru keretse byibuze abibwiye abanyamuryango babimusabye.

Yagize ati “Neguye ku mpamvu zanjye bwite. Mukura ni umuryango kandi abafana bantoye ndabubaha, bafite uburenganzira bumva bashaka ibisobanuro, bantumiza mu nteko rusange izo mpamvu zanjye bwite nazibabwira”.

JPEG - 49 kb
Perezida wa Mukura, Nzeyimana (ibumoso) ari kumwe n’uwari umunyabanga mukuru wa Mukura,Sheikh Habimana Hamdan (iburyo) weguye ku mimimo

Sheikh Habimana yavuze ko kuba yeguye bitaza gutuma ahagarika inkunga yageneraga Mukura kuko n’ubundi yabikoraga ku bushake.

Ibikekwa ku mpamvu z’ubwegure bwa Sheikh Habimana Hamdan

Amakuru Imvaho Nshya ifite avuga kimwe mu bibazo byaba byatumye Sheikh Habimana Hamdan yegura ari ubwumvikane buke bwari hagati ye na visi Perezida w’iyi kipe Nayandi Abraham.

Ubu bwumvikane buke bushingiye ku kibazo cy’umutoza Okoko wari ushyigikiwe na Sheikh Habimana wamubonagamo ubushobozi mu gihe Nayandi yakomeje gusaba ko yasimbuzwa Kanyankole Gilbert Yaounde kuva imikino yo ibanza ya shampiyona ya 2015-2016 yarangira.

Ibi bikaba ari nabyo byatumye Mukura itakaza igikombe cya shampiyona cy’umwaka ushize. Ibi byemezwa n’amagambo yavuze nyuma y’uko Mukura itsinzwe na Bugesera FC ibitego 2-0 FC i Bugesera aho Nayandi yabwiye Okoko ko ari umutoza w’umusaza udakwiriye Mukura.

Mu bindi ngo hari bamwe mu bayobozi babonaga umunyamabanga afata ibyemezo byakabaye bifatwa na Perezida gusa uyu munyamabanga akaba yarigeze kubwira bamwe mu nshuti ze ko “Hari abantu batamwishimiye kuko yababujije gukoresha amafaranga y’ikipe mu buryo budakwiriye”.

Abakinnyi ba Mukura bafashe icyemezo cyo kwandikira Perezida Nizeyimana Olivier bamusaba kutemera ubwegure bwa Sheikh Habimana. Aba bakinnyi bemeza ko ubuzima bwabo bwahindutse, nyuma y’uko uyu munyamabanga mukuru ageze muri iyi kipe. Aba bakinnyi ngo basanga kuva Sheikh Habimana yageramo bari bafashwe neza bagahembwa neza ndetse akabitaho ku buryo bugaragara.

Harakurikiraho iki?

Byitezwe ko hagomba kuba inama ya komite nyobozi izaterana mu minsi iri imbere iyobowe na Nizeyimana Olivier igasuzuma ubwegure bw’umunyamabanga. Binitezwe ko nitabasha kumwemeza kugaruka hazabaho gushaka umunyamabanga mushya uzaba umukozi ubihemberwa buri kwezi bitandukanye na Sheikh Habimana yabikoraga ku bwitange.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Umutoza wa Kiyovu  yavuze impamvu ikipe ye ititwara  neza kuri buri mukino
Umutoza wa Kiyovu yavuze impamvu ikipe ye ititwara neza kuri buri mukino

Nyuma y’uko ikipe ya Kiyovu yitwaye neza igatsinda AS Kigali ibitego 2-1mu mukino w’umunsi wa 13 wa shampiyona, umutoza Kanamugire Aloys yagize icyo atangaza kuri iyi kipe itsinda umukino umwe (...)

Amagare: Ndayisenga Valens yabonye ikipe muri Autriche
Amagare: Ndayisenga Valens yabonye ikipe muri Autriche

Ndayisenga Valens, umukinnyi wa mbere mu Rwanda mu gusiganwa ku magare nyuma yo gusoza amasezerano ye mu ikipe ya Dimension Data for Qhubeka yamaze kubona ikipe mu gihugu cya Autriche yitwa (...)

Ibyo ukwiye kumenya kuri CAN 2017 igiye kubera  muri Gabon
Ibyo ukwiye kumenya kuri CAN 2017 igiye kubera muri Gabon

Kuva kuri uyu wa gatandatu Taliki 14 Mutarama 2017 kuzageza kuya 05 Gashyantare 2017, abakunzi b’umupira w’amaguru muri Afurika bagiye gukurikirana imikino y’igikombe cy’Afurika “CAN 2017” ku (...)

Ku myaka 19  Nyirarukundo yageze mu ibihugu 20 akina  umukino wo gusiganwa
Ku myaka 19 Nyirarukundo yageze mu ibihugu 20 akina umukino wo gusiganwa

Nyirarukundo Salome umwari w’imyaka 19, ukina umukino wo gusiganwa ku maguru avuga ko impano afite yatumye agenda mu bihugu birenga 20, ahesha ishema u Rwanda. Nyirarukundo uvuka mu karere (...)

Migi yemeje ko “Haruna” yubashywe kuruta abandi muri  ruhago ya Tanzania
Migi yemeje ko “Haruna” yubashywe kuruta abandi muri ruhago ya Tanzania

Mugiraneza Jean Baptiste “Migi”, umukinnyi mushya w’ikipe ya Gor Mahia yo muri Kenya yavuze ko mu myaka ibiri yakinye muri Tanzania, yaje kubona ko Haruna Niyonzima, kapiteni wa Yanga Africans (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.