2017-06-28 08:00:46 clouds 27o High | Kigali Rwanda

Dukurikire:
 
 

Abakinnyi 10 ba mbere batsinze ibitego byinshi mu bihugu bakomokamo

Yanditswe na IMVAHO NSHYA

Kuya 2017-04-03 07:15:58

 
Share on:
 
Yasuwe:304
 
Yavuzweho:200
 
10
 
10

Cristiano Ronaldo ukinira Real Madrid n’ikipe y’igihugu ya Portugal yinjiye mu rutonde rw’abakinnyi bamaze gutsinda ibitego byinshi mu makipe y’ibihugu ku wa Kabiri w’icyumweru gishize taliki 28 Werurwe 2017.

Ni mu mukino mpuzamahanga wa gicuti yatsinze igitego gifungura amazamu ku munota wa 18 mbere y’uko Suwede yishyura iki gitego ikeguna intsinzi ku bitego 3-2.

Iki gitego cyatumye Cristiano Ronaldo ufite “Ballon d’Or” enye aza ku mwanya wa 10 mu bakinnyi batsinze ibitego byinshi aho anganya na Miloslav Klose bombi bafite ibitego 71.

Imvaho Nshya yabashakiye abakinnyi 10 bastinze ibitego byinshi mu makipe y’ibihugu.

ALI DAEI

JPEG - 110.1 kb
Ali Daei,uyoboye urutonde rw’abakinnyi 10 batsindiye ibitego byinshi ibihugu byabo

Ali Daei wakiniye ikipe y’igihugu ya Iran niwe rutahizamu ufite agahigo ko kuba amaze gutsinda ibitego byinshi mu mikino mpuzamahanga y’ibihugu aho yatsinze ibitego 109 mu mikino 149.

Daei wakiniye Iran kuva mu 1993 kugeza mu 2006, azwiho kuba yaratsinze ibitego 4 inshuro 2 mu mukino umwe. Ibi bitego 4 yabitsinze mu mukino wabahuje na Korea y’Epfo (1996) mu gikombe cy’Aziya n’umukino wabahuje na Laos mu gushaka itike y’igikombe cy’isi mu 2006.

Ali Daei ntabwo yasezeye neza mu ikipe y’igihugu nyuma y’uko ananiwe gutsinda igitego mu mikino ya nyuma y’igikombe cy’isi (1998 na 2006).

FERENC PUSKAS

Ferenc Puskas wakiniye ikipe y’iguhugu ya Hungary hagati y’umwaka wa 1945 na 1956 yabashije kuyitsindira ibitego 84 mu mikino 85. Ibi bitego birimo aho yatsinze ibitego 3 “Hat-tricks”inshuro eshatu, zirimo umukino batsinzemo Austria ibitego 5-2 mu gikombe cy’isi mu 1954 n’uwo bahuyemo n’ikipe y’igihugu ya Luxembourg.

Puskas wabaye rutahizamu ukomeye wa Real Madrid (1958-1966) nyuma yo kuyitsindira ibitego 156 mu mikino 180, yatsinze ibitego 4 mu mukino mpuzamahanga wa gicuti Hungary yatsinzemo Albania ibitego 12-0 wabaye taliki 24 Nzeri 1950.

KUNISHIGE KAMAMOTO

Kunishige Kamamoto wabaye umukinnyi wa mbere ukomeye w’umupira w’amaguru mu gihugu cy’u Buyapani yatsinze ibitego 84 mu mikino 80 yakinnye mpuzamahanga kuva mu 1964 kugera mu 1977.

Yabaye umukinnyi watsinze ibitego byinshi mu mikino Olempike yabereye muri Mexique mu 1968, birimo ibitego 3 yatsinze Nigeria na 2 yatsinze u Bufaransa mu mikino ya ¼ cy’irangiza.

Muri iyi mikino, u Buyapani babaye aba 3 ndetse n’icyizere cyo kuzabona itike yo gukina imikino y’igikombe cy’isi mu 1970 kiba kinshi. Ariko mu 1969, Kamamoto yaje gufatwa n’ indwara y’umwijima ntiyagaragara mu mikino ibiri y’amajonjora ibanza bituma u Buyapani gutakaza iyi mikino bahuyemo na Australia na Korea y’Epfo.

GODFREY CHITALU

Chitalu yatsindiye ikipe y’igihugu ya Zambia“Chipolopolo” ibitego 79 mu mikino 108 aho yakiniye iyi kipe kuva 1968 kugera mu 1980.

Chitalu yagize ibihe byiza mu mikino Olempike yo 1980 yabereye i Mosco mu Burusiya yatsinze mu mikino yabahuje na Venezuela na Leta Zunze Ubumwe z’Abasoviyetike. Yaje kugira ibyago muri Mata 1993, ubwo yari umutoza wa Zambia, we, abakinnyi n’abari mu bajyanye n’iyi kipe baje kugira impanuka y’indege bose bahasiga ubuzima.

HUSSEIN SAEED

Saeed, ntabwo bitunguranye gushimagizwa kuba ari we mukinnyi wabayeho ukomeye w’ikinyejana igihugu cya Irak cyagize mu mupira w’amaguru, wihariye umuhigo wo gukinira ikipe y’igihugu imikino myinshi (137) abasha gutsinda ibitego 78.

Uyu rutahizamu ufite agahigo ko kuba yarakiniye ikipe imwe ya Al-Talaba mu mwuga we akina umupira w’amaguru, yagize ibihe bidasanzwe mu 1984 mu ikipe y’igihugu ubwo yayifashaga mu marushanwa ya “Gulf Cup of Nations” kwitwara neza imbere ya Oman na Kuwait, kongeraho n’ibitego 3 yatsinze Arabia Saudi.

Hussein Saeed yahagaritse umupira w’amaguru mu 1990, afite imyaka 32, nyuma y’uko Irak yari yikuye mu irushanwa rya Gulf Cup of Nations kubera imisifurire itarabanyuze.

PELE

Umyabigwi Pele wakiniye ikipe y’igihugu ya Brazil imikino 92 abasha kuyitsindira ibtego bigera kuri 77.Pele afite imyaka 17, mu mikino ya nyuma y’igikombe cy’isi mu 1958 yatsinze ibitego 2 Suwede n’ibitego 3 ikipe y’u Bufaransa mu mikino ya ½.Yatsinze ibindi bitego 3 inshuro 6 ndetse mu bikombe 4 by’isi yakinnye imikino 14 atsinda ibitego 12 anatanga n’imipira 10 yavuyemo ibitego.

BASHAR ABDULLAH

Uyu mukinnyi wari mu ikipe y’igihugu ya Koweit yegukanye igikombe cya “Gulf Cups” inagera muri ½ cy’imikino y’impuzamashyirahamwe yo ku mugabane w’Aziya “AFC Asian Cup”, Bashar yatsinze ibitego 75 mu mikino 133 akaba ari hagati y’umwaka wa 1996 na 2007.

Mu 2000, yatsinze ibitego 8 mu mukino Koweit yatsinzemo Bhutan ibitego 20-0.Nyuma y’iminsi 4, Bashar yatsinze ibitego 5 Nepal ndetse mu myaka y’i 2000 yagiye akorerwa ibikorwa by’iterabwoba n’ibihugu birimo Singapore, Palestine na Uzbekistan.

SANDOR KOCSIS

Mu mpera y’imyaka ya 1940 no mu ntangiriro yo mu 1950, ikipe yose yajyaga guhura n’ikipe y’igihugu ya Hungary byari bigoye ku bakinnyi binyuma kuko babaga bafite akazi katoroshye. Nubwo wabashaga gucecekesha Ferenc Puskas wabaga ugifite akandi kazi ko guhagarika undi rutahizamu ukomeye kandi wari uzi gutsinda ibitego

Sandor Kocsis, yari ku rwego ruri hejuru mu gutsinda ibitego kuri buri mukino ugereranije n’umunyabigwi Ferenc Puskas wari ufite 1.10 ku mukino, kuko yatsinze ibitego 75 mu mikino mpuzamahanga 68.

Kocsis yatsinze ibitego 3 “Hat-tricks” inshuro 7, yibukwa cyane mu mukino ikipe y’igihugu ya Hungary yatsinzemo u Budage bw’Uburengerazuba ibitego 8-3 aho yinjijemo ibitego 4 wenyine mu mikino y’igikombe cy’isi mu 1954 akaba yararangije ayoboye abandi n’ibitego 11 muri iyi mikino.

KINNAH PHIRI

Rutahizamu Kinnah Phiri, undi mukinnyi wa kabiri ukomoka muri Afurika ugaragara kuri uru rutonde, wakiniye ikipe y’igihugu ya Malawi yabashije kuyitsindira ibitego 71 mu mikino 115 yayikiniye.

Phiri waje no gutoza Malawi hagati y’umwaka wa 2009 na 2013, yatsinze ibitego 43 mu mikino ya gicuti 55, birimo ibitego 5 yatsinze mu mu mukino Malawi yatsinzemo Botswana ibitego 5-1 mu Kwakira 1977.

Kinnah Phiri azahora yibukwa nyuma yo gufasha Malawi kwegukana igikombe cya “CECAFA” mu 1978 Cup, aho yatsinze ibitego 4 mu mikino 6 irimo n’umukino wa nyuma.

MIROSLAV KLOSE

Miroslav Klose wakiniye ikipe y’igihugu y’u Budage “Die Mannschaft” ibitego 71 mu mikino 137 mpuzamanga.Yakinnye imikino y’igikombe cy’isi inshuro 4 atsinda igitego cya 50 mu mukino w’igikombe cy’isi mu 2010, yongera kuzuza imikino ijana ubwo yatsindaga ibitego 2 mu mukino wa ¼ u Budage bwatsinzemo Argentine ibitego 4-0.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE