2017-08-22 09:34:31 clouds 27o High | Kigali Rwanda

Dukurikire:
 
 

Abafana ba Mukura VS bamaganye abatumye abayobozi b’ikipe begura

Yanditswe na IMVAHO NSHYA

Kuya 2016-10-04 06:55:34

 
Share on:
 
Yasuwe:2
 
Yavuzweho:200
 
10
 
10

Abakunzi ba Mukura VS bitabiriye umukino wa gicuti na Rayon Sports warangiye amakipe yombi anganya ibitego 2-2 , barasaba Nizeyimana Olivier wari Perezida w’iyi kipe na Sheikh Habimana Hamdan wari umunyamabanga mukuru, kugaruka ku mirimo yabo nyuma yo kwegura mu cyumweru gishize.

Muri uyu mukino aba bafana, baje bitwaje igitambaro kinini kiriho ubutumwa bwamagana abantu bivugwa ko baba aribo nyirabayazana yo kwegura kw’abari abayobozi babo, banasaba aba bayobozi gusubira ku mirimo yabo.

Ubu butumwa bwagiraga buti: ‘ “Twebwe abafana ba Mukura VS twamaganye abantu bananije Nizeyimana Olivier na Hamdan Habimana. Abafana turifuza ko bagaruka.”

JPEG - 288.5 kb
Perezida w’ikipe ya Mukura, Nizeyimana Olivier weguye ku buyobozi bw’ikipe ya Mukura abafana bifuza ko we n’umunyamabanga basubira mu mirimo y’ubuyobozi bw’iyo kipe

Okoko Godefroid, umutoza mukuru wa Mukura VS nyuma y’uyu mukino yashimangiye ko aba bayobozi ba Mukura VS bazisubiraho bakemera kugaruka kuyobora Mukura VS.

Okoko yagize ati ‘’Njye sindemera ko Perezida azagenda cyangwa umunyamabanga mukuru. Kuri njye nizeye ko bazagaruka nabo bazaze.’’

Ibi ni nyuma y’ibaruwa y’abakinnyi ba Mukura VS basabaga Prezida Nizeyimana kutemerera ubwegure bw’umunyamabanga ahubwo birangira na Perezida ahise yeguye.

Usibye kuba abayobozi, aba bagabo bombi basanzwe ari abaterankunga b’iyi kipe aho batanga miliyoni 40 bombi mu ngengo y’imari ya Mukura VS ya miliyoni 159.

Aba bagabo ni bamwe mu bagize uruhare rwo gufasha Mukura VS kuza ku mwanya wa gatatu muri shampiyona y’umwaka ushize mu mwaka wabo wa mbere batowe.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE