2017-05-29 16:30:20 clouds 27o High | Kigali Rwanda

Dukurikire:
 
 

Yaya Touré yasezeye mu ikipe y’igihugu

Yanditswe na IMVAHO NSHYA

Kuya 2016-09-21 07:36:53

 
Share on:
 
Yasuwe:3
 
Yavuzweho:200
 
10
 
10

Umukinnyi w’ikipe ya Manchester City mu Bwongereza, Yaya Toure yamaze gutangaza ko yasezeye mu ikipe y’igihugu ya Cote d’Ivoire nyuma y’imyaka 12 yari amaze ayikinira.

Mu butumwa bwagaragaraye ku rubuga rwe rwa “Twitter”, Yaya Touré yagize ati “Hari icyemezo kigora kugifata, gusa umwanya wari ugeze ngo mpe umwanya abakiri bato. Nyuma y’igihe kitari gito mu ikipe y’igihugu ndahagaritse kandi ndashimira abakunzi banjye bose ndetse n’igihugu cyanjye”.

Gnégnéri Yaya Touré w’imyaka 33 y’amavuko yatangiye gukinira ikipe y’igihugu nkuru afite imyaka 21 mu 2004 akaba yari amaze guhamagarwa inshuro 102, yatsinze ibitego 19 ndetse anafasha Cote d’Ivoire kwegukana igikombe cy’Afurika mu 2015.

Yanajyanye na Cote d’Ivoire kandi mu mikino ya nyuma y’igikombe cy’isi inshuro 3 (2006, 2010 na 2014).

N’ubwo asezeye mu ikipe y’igihugu ashobora kuba afite indi myaka igera kuri 3 agikina umupira w’amaguru. Kuri ubu n’ubwo akiri umukinnyi wa Manchester City yo mu Bwongereza yanabereye kapiteni ashobora kuyivamo nyuma y’aho umutoza mushya, Pep Guardiola yagaragaje ko atamwishimiye.

Yaya Touré yageze muri Manchester City mu 2010 avuye muri Barcelone yirukanwe na Pep Guardiola. Kuri ubu ariko amakuru avugwa ni uko umutoza Guardiola yasabye uhagarariye uyu mukinnyi gusaba imbabazi ku byo yavuze ko uyu mutoza yasuzuguye umukinnyi ahagarariye mbere y’uko yongera kumukinisha.

Yaya Touré naramuka avuye muri iyi kipe abakunzi bayo ntibazamwibagirwa kuko imyaka 6 amaze yatsinze ibitego 75 mu mikino 266 ndetse anafasha iyi kipe gutwara ibikombe 2 bya shampiyona y’u Bwongereza (2011-2012 na 2013-2014).

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE