Advertisement
 
 
 
 
 
 
 
 

Siporo | Siporo Mu Mahanga

Van Gaal watozaga Manchester United yirukanwe   

  Yanditswe na NKOMEJE GUILLAUME
 May 2016

 
 

Ikipe ya Manchester United yirukanye uwari mutoza wayo Louis Van Gaal nyuma y’iminsi ibiri ayihesheje igikombe cy’igihugu “FA Cup” bitewe n’umusaruro utarabaye mwiza mu gihe cy’imyaka 2 yari ahamaze.

Louis Van Gaal wari usigaranye amasezerano y’umwaka umwe, yirukanwe nyuma y’uko afashije iyi kipe kwegukana igikombe cya FA Cup atsinze Crystal Palace ibitego 2-1 mu mukino wabaye ku wa Gatandatu taliki 21 Gicurasi 2016.

Amakuru dukesha “Daily Mail”, Van Gaal yamenyeshejwe ibijyanye n’isezererwa ku mirimo ye mu gitondo cyo ku wa mbere taliki 23 Gicurasi 2016 nyuma y’uko umuyobozi wa Manchester United, Ed Woodward yamusangaga i Carrington ku kibuga cy’imyitozo.

JPEG - 54.4 kb
Louis Van Gaal wamaze gusezererwa muri Manchester United

Uretse Van Gaal hirukanwe kandi Albert Stuivenberg wari umutoza wungirije, Frans Hoek wari umutoza w’abanyezamu ndetse na Max Reckers wari ushinzwe gusesengura imikinire y’iyi kipe.

Biteganyijwe ko Mourinho atangira ibiganiro n’ubuyobozi bwa Manchester United kuri uyu wa kabiri taliki 24 Gicurasi 2016 aho bifuza kumusinyisha amasezerano y’imyaka 4.

Ryan Giggs wari umutoza wungirije ntibiramenyekana niba azaguma muri iyi kipe kuko Mourinho byitezwe y’uko azizanira abatoza bazamwungiriza barimo Rui Faria n’umutoza w’amanyezamu Silvino Louro.

 

Comments

 
 
Marcel Desailly  ashobora  kuba umutoza wa Ghana
Marcel Desailly ashobora kuba umutoza wa Ghana

Marcel David Desailly , ukomoka muri Ghana akaba ariko yarakiniye ikipe y’igihugu y’u Bufaransa ashobora kuba umutoza w’ikipe y’igihugu ya Ghana nyuma y’igenda ry’uwari umutoza wayo Avram Grant. (...)

Rafael Benitez nawe ari mu bashobora gusimbura Arsene Wenger
Rafael Benitez nawe ari mu bashobora gusimbura Arsene Wenger

Nyuma y’amakuru yagiye ahagaraga ko umutoza wa Arsenal, Arsene Wenger ashobora kuva muri iyi kipe hatangajwe abatoza bashobora kumusimbura barimo Massimiliano Allegri utoza Juventus mu (...)

Rayon Sports yatsinze, APR FC iranganya
Rayon Sports yatsinze, APR FC iranganya

Zanaco FC 0-0 APR FC, Al Wau Salaam 0-4 Rayon Sports Taliki 18-02-2017: APR FC-Zanaco FC (Amahoro-15h30) Taliki 19-02-2017: Rayon -Al Wau Salaam (Amahoro-15h30) Ikipe ya Rayon Sports yitwaye (...)

Sergio Aguero ashobora kwerekeza muri Real Madrid
Sergio Aguero ashobora kwerekeza muri Real Madrid

Umukinnyi ukinira ikipe ya Manchester City mu Bwongereza ukomoka muri Argentine, Sergio Aguero biravugwa ko ubwo umwaka w’imikino wa 2016-2017 uzaba urangiye ashobora kwerekeza mu ikipe ya Real (...)

Dimension Data yagaragaje icyo yiteze kuri Mugisha na Areruya
Dimension Data yagaragaje icyo yiteze kuri Mugisha na Areruya

Ubuyobozi bw’ikipe ya Dimension Data for Qhubeka burizera ko abakinnyi batandatu bakiri bato b’abanyafurika berekeje mu ikipe ya kabiri yayo bazavamo ibihangange bizitwara neza mu marushanwa y’i (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.