Advertisement
 
 
 
 
 
 
 
 

Siporo | Siporo Mu Mahanga

Uko Abanyarwanda bakina ruhago mu mahanga bitwaye mu mpera z’icyumweru   

  Yanditswe na BIZIMANA Eric
 4 months ago

 
 

Impera z’icyumweru dusoje zahiriye bamwe mu bakinnyi b’abanyarwanda bakina hanze naho abandi ntibyabagendekera neza.

Muri shampiyona ya Kenya, ku cyumweru Gor Mahia ibifashijwemo na Jacques Tuyisenge wari umaze imikino 12 atabona igitego yaje gutsinda Mathare United 2-1 kuri Moi Sports Center i Kasarani.

Iki gitego cya Tuyisenge cyo ku munota wa 61 cyagaruriye icyizere Gor Mahia ya kabiri n’amanota 51 iri gucungana n’uko Tusker ya mbere n’amanota 55 yatakaza umukino wa AFC Leopards, ubundi igatwara igikombe mu mukino ibiri isigaye.

JPEG - 153 kb
Tuyisenge Jacques wahesheje ikipe ya Gor Mahia amanota 3

Muri RDC, n’ubwo Sugira Erneste rutahizamu wa AS Vita yabanje mu kibuga ntiyaboneye igitego, iyi kipe y’i Kinshasa yatsinzwe na DCMP ibitego 2-0 kuri Stade de Martrys ku cyumweru taliki 30 Ukwakira 2016.

Ibi ntibibuza ariko ko AS Vita iguma ku mwanya wa kabiri n’amanota 13 inyuma ya Renaissance ifite amanota 14 mu gice cy’iburengerazuba muri iyi shampiyona ya Kongo.

Muri Tanzania naho Yanga ikinamo Haruna Niyonzima yatsinze Mbao ibitego 3-0 bya Vincent Bossou, Mbuyu Twite na Amissi Joselyn Tambwe naho Azam ya Migi itsinda Kagera Sugar 3-2.Simba ni yo ikiri imbere n’amanota 32 ikurikiwe na Yanga ifite 27 mu gihe Azam ari iya kane n’amanota 19

Muri Slovakia, Topolcany ya Omborenga Fitina na Kalisa Rachid ndetse na Iranzi Jean Claude ubu uri mu Rwanda yatsinzwe igitego 1-0 ikina n’ikipe ya Zlaté Moravce-Vrablé biyishyira ku ku mwanya wa 4 n’amanota 29.

Muri Maroc ku munsi wa gatandatu, Kénitra ya Emery Bayisenge yatsinzwe na Olympique Club de Khouribga ibitego 3 kuri 1 biyishyira ku mwanya wa nyuma ku rutonde rw’agateganyo. Mu cyiciro cya kabiri mu Bubiligi, Nirisarike Salomon n’ikipe ye ya Tubize batsindiwe mu rugo na Antwerp FC ibitego 2-0.

 

Comments

 
 
Real Madrid yatomboye kuzahura na Bayern Munich muri ¼
Real Madrid yatomboye kuzahura na Bayern Munich muri ¼

Ikipe ya Real Madrid yo muri Espagne yatomboye kuzahura na Bayern Munich yo mu Budage mu mikino ya ¼ cy’irangiza cy’amakipe yabaye aya mbere ku mugabane w’u Burayi “UEFA Champions League”. Ni nyuma (...)

Marcel Desailly  ashobora  kuba umutoza wa Ghana
Marcel Desailly ashobora kuba umutoza wa Ghana

Marcel David Desailly , ukomoka muri Ghana akaba ariko yarakiniye ikipe y’igihugu y’u Bufaransa ashobora kuba umutoza w’ikipe y’igihugu ya Ghana nyuma y’igenda ry’uwari umutoza wayo Avram Grant. (...)

Rafael Benitez nawe ari mu bashobora gusimbura Arsene Wenger
Rafael Benitez nawe ari mu bashobora gusimbura Arsene Wenger

Nyuma y’amakuru yagiye ahagaraga ko umutoza wa Arsenal, Arsene Wenger ashobora kuva muri iyi kipe hatangajwe abatoza bashobora kumusimbura barimo Massimiliano Allegri utoza Juventus mu (...)

Rayon Sports yatsinze, APR FC iranganya
Rayon Sports yatsinze, APR FC iranganya

Zanaco FC 0-0 APR FC, Al Wau Salaam 0-4 Rayon Sports Taliki 18-02-2017: APR FC-Zanaco FC (Amahoro-15h30) Taliki 19-02-2017: Rayon -Al Wau Salaam (Amahoro-15h30) Ikipe ya Rayon Sports yitwaye (...)

Sergio Aguero ashobora kwerekeza muri Real Madrid
Sergio Aguero ashobora kwerekeza muri Real Madrid

Umukinnyi ukinira ikipe ya Manchester City mu Bwongereza ukomoka muri Argentine, Sergio Aguero biravugwa ko ubwo umwaka w’imikino wa 2016-2017 uzaba urangiye ashobora kwerekeza mu ikipe ya Real (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.