2017-05-24 10:43:15 clouds 27o High | Kigali Rwanda

Dukurikire:
 
 

UEFA yafatiye ibihano Mamadou Sakho

Yanditswe na IMVAHO NSHYA

Kuya 2016-05-01 12:32:07

 
Share on:
 
Yasuwe:0
 
Yavuzweho:200
 
10
 
10

Mamadou Sakho ukinira Liverpool akaba akomoka mu Bufaransa, yahagaritswe n’Ishyirahamwe ry’umupira w’Amaguru ku mugabane w’u Burayi “UEFA” mu gihe kingana n’ iminsi 30 nyuma y’uko ibizamini yakorewe bigaragaje ko yaba yarafashe ibyongera ingufu.

Amakuru dekesha “BBC” n’uko ibi bihano ari iby’agateganyo kugeza igihe akanama gashinzwe kugenzura imyitwarire muri UEFA kazafatira umwanzuro wa nyuma niba ari umwere cyangwa azajyanwa mu nkiko.

Sakho w’imyaka 26, yagaragayeho kuba yarafashe ibigabanya umubyibuho nyuma y’umukino w’amakipe yitwaye neza ku mugabane w’u Burayi wa “Europa League” Liverpool yaje gusezereramo Manchester United taliki 17 Werurwe 2016.

JPEG - 49.6 kb
Mamadou Sakho yafatiwe ibihano na UEFA

Liverpool n’ikipe y’igihugu y’u Bufaransa bamaze kwemera y’uko batazakinisha uyu mukinnyi mu gihe aka kanama ka UEFA gashinzwe kugenzura imyitwarire kakiri kumukoraho iperereza.

Ni mu gihe Kolo Toure bakinana nawe yigeze guhagarikwa igihe kigera ku mezi 6 ubwo yakinaga muri Manchester City yagaragayeho kuba yarafashe imiti igabanya ibiro aho yari yabitegetswe n’umugore we.

Mu gihe UEFA yaba ifatiye Sakho nk’ibi bihano byatuma atazitabira imikino ya “Euro 2016” izabera mu Bufaransa. Sakho yageze muri Liverpool mu 2013, uvuye muri PSG aguzwe miliyoni 18 z’amapawundi, akaba amaze gukinira iyi kipe imikino 34 muri uyu mwaka w’imikino harimo imikino 10 ya “Europa League”.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE