Advertisement
 
 
 
 
 
 
 
 

Siporo | Siporo Mu Mahanga

U Busuwisi: Rushenguziminega arahangana no kutagirirwa ikizere n’umutoza   

  Yanditswe na BIZIMANA Eric
 May 2016

 
 

Rushenguziminega Quentin, rutahizamu w’ikipe y’igihugu Amavubi na Lusanne Sport yo mu cyiciro cya kabiri mu Busuwisi, wemera ko atajya akunda kubanza mu kibuga kubera ikizere gike agirirwa n’umutoza, yizeye kwitwara neza muri uyu mwaka, ubwo ikipe ye izaba iri mu cyiciro cya mbere.

Ni mu gihe Lusanne Sport ya mbere n’amanota 59 izazamuka mu cyiciro cya mbere byanze bikunze, ndetse ikaza no gutwara igikombe kuri uyu mbere niramuka itsinze Aarau baza gukina mu mukino w’ikirarane utangira i saa monya n’iminota 45 z’i Kigali (19h45).

Lusanne Sport niwutsinda irashyiramo ikinyuranyo cy’amanota amanota 17 hagati yayo na Will ya kabiri mu gihe hasigaye mikino 5.

Nubwo bimeze gutyo, Rushenguziminega ntari mu bakinnyi bagize uruhare runini muri uyu musaruro, aho nta gitego aratsinda mu mikino 6 yakinnye muri 31 imaze gukinwa muri iyi shampiyona.

JPEG - 240.2 kb
Rushenguziminega Quentin ubwo yakina umukino we wa mbere, Amavubi akina na Ghana mu mikino yo gushaka itike ya CAN 2017

Urubuga “Soccerway.com” rwo rwerekana ko umunya Koreya y’Epfo, Kwang Ryong Park w’imyaka 23 ari we yatsinze ibitego 6 mu mikino 9, akurikirwa n’umunya Algeria A.Zequrir w’imyaka 16 y’amavuko watsinze igitego kimwe mu mikino 12, kimwe na Walter Pandiana umunya Uruguay w’imyaka 40 watsinze igitego mu mikino 11.

Mu kiganiro kihariye n’Imvaho Nshya ari mu Busuwisi, Rushenguziminega nawe yemeye ko adafitiwe icyizere na Fabianni Celestini, Umusuwisi utoza iyi kipe.

Ati "Ni byiza ko tugiye gutwara igikombe. Yego sinkina kubera guhangana gukomeye kuri mu ikipe yacu, bituma umutoza akora amahitamo ye".

Rushenguziminega yemeza ko nibazamuka mu cyiciro cya mbere azaharanira kujya abanza mu kibuga.

Ati "Nizeye ko nzabona umwanya urenze uwo nabonaga ubwo tuzaba twazamutse kuko nzabiharanira".

Rushenguziminega w’imyaka 24 y’amavuko yageze muri Lusanne Sport avuye muri Echallens FC yo mu cyiciro ka kabiri, aho yari yaratsinze ibitego 23 mu mikino 21. Amaze gukina imikino 5 mu ikipe y’igihugu Amavubi nta gitego arabasha gutsinda.

 

Comments

Izina Ryanyu
IGITEKEREZO

 
 
Abakinnyi  57  mu bazitabira CAN 2017 basanzwe bakina mu Bufaransa
Abakinnyi 57 mu bazitabira CAN 2017 basanzwe bakina mu Bufaransa

Abakinnyi 57 bari ku rutonde rw’abakinnyi bagera kuri 368 b’amakipe y’ibihugu 16 bizakina imikino ya CAN 2017, izatangira ejo taliki 14 Mutarama igasozwa taliki 05 Gashyantare 2017, bose bakina (...)

Manchester United irifuza abakinnyi babiri ba Tottenham
Manchester United irifuza abakinnyi babiri ba Tottenham

Ikipe ya Manchester United irifuza gusinyisha abakinnyi Danny Rose na Kayle Walker basanzwe bakina mu bwugarizi bwa Totteham Hotspurs . Ikinyamakuru “The Sun” cyatangaje ko umutoza wa (...)

Perezida wa CAF, Issa Hayatou, yahamagajwe mu rukiko kubera ruswa
Perezida wa CAF, Issa Hayatou, yahamagajwe mu rukiko kubera ruswa

Ubuyobozi bwo mu Misiri amarushanwa bwemeje ko bugiye gukurikirana perezida w’Impuzamashyirahamwe y’umupira w’amaguru muri Afurika “CAF”, Dr Issa Hayatou ukekwaho ruswa. Ubu buyobozi bwagaragaje ko (...)

Ruhango:Umushinga wari umaze imyaka 10 ufasha abatishoboye wahagaritse ibikorwa byawo
Ruhango:Umushinga wari umaze imyaka 10 ufasha abatishoboye wahagaritse ibikorwa byawo

Umushinga w’Abanyamerika ushinzwe kurwanya inzara, utangaza ko wahagaritse bimwe mu bikorwa byo kwita ku baturage batishoboye bo mu murenge wa Mbuye mu karere ka Ruhango. Hari hashize imyaka 10 (...)

Imvururu z’abamagana Kabila zatumye Shampiyona ya Congo iba ihagaritswe
Imvururu z’abamagana Kabila zatumye Shampiyona ya Congo iba ihagaritswe

Minisitiri w’imikino muri Republika Iharanira Demokarasi ya Congo yafashe icyemezo cyo guhagarika shampiyona y’icyiciro cya mbere kuva kuri uyu wa kane taliki 15 Ukuboza 2016 kuzageza taliki14 (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.