Advertisement
 
 
 
 
 
 
 
 

Siporo | Siporo Mu Mahanga

Tuyisenge agiye gukina umukino wa mbere wa shampiyona muri Gor Mahia   

  Yanditswe na BUGINGO FIDELE
 March 2016

 
 

Rutahizamu w’ikipe y’u Rwanda, Tuyisenge Jacques nyuma yo kumara hafi amezi abiri mu ikipe ya Gor Mahia yo muri Kenya adakina kubera imvune, noneho agiye gukina umukino wa mbere muri iyo kipe.

Uyu mukino uzaba taliki 02 Mata 2016, uzaba ari umukino w’umunsi wa 6 wa shampiyona, Gor Mahia izahura na Kakamega Homeboyz ubu iri ku mwanya wa 7 n’amanota 8.

Ni umukino wa mbere ku mutoza mushya Marcelo Zi Maria. Uzaba ari n’umukino wa mbere kuri rutahizamu Tuyisenge Jacques wageze muri iyi kipe afite imvune akabanza kwivuza ngo akire neza bigatuma atagaragara mu mikino 5 ya shampiyona iheruka.

JPEG - 206.3 kb
Tuyisenge Jacques ugiye kugaragara mu mukino we wa mbere mu ikipe ya Gor Mahia

Ku rubuga rw’iyi kipe ya Gor Mahia, bavuga ko nta gisibya uyu mukino, Tuyisenge agomba kuwukina. Imvaho Nshya mu kiganiro gito yagiranye na Tuyisenge Jacques yavuze ko atari yakira neza ariko ko yumva ameze neza ndetse yiteguye gukina uyu mukino.

Yakomeje agira ati “Ubu meze neza nta kibazo ngomba gukina kuko ndabishaka cyane kandi intego ni ugutsinda”.

Mu mpera z’iki cyumweru, ku wa Gatandatu taliki 26 Werurwe 2016, Gor Mahia yakinnye umukino wa gicuti n’ikipe yo mu cyiciro cya mbere, Posta Rangers FC bayitsinda igitego 1-0, uyu mukino Tuyisenge Jacques akaba yarawukinnye akawurangiza.

Ubu Gor Mahia iri ku mwanya wa 12 n’amanota 4. Mu mikino 5 imaze gukina ntabwo irabasha gutsinda umukino n’umwe kuko imaze kunganya imikino 4 itsindwa umwe.

Gor Mahia, nyuma yo kurekura ba rutahizamu bayo Michael Olunga, Meddie Kagere na Victor Abondo batsinze ibitego 65 bakayifasha kwegukana shampiyona idatsinzwe, uyu mwaka wa shampiyona 2015-2016 imaze kwinjiza ibitego 3 itsindwa 4 bivuze ko ifite umwenda w’igitego.

 

Comments

Izina Ryanyu
IGITEKEREZO

 
 
Abakinnyi  57  mu bazitabira CAN 2017 basanzwe bakina mu Bufaransa
Abakinnyi 57 mu bazitabira CAN 2017 basanzwe bakina mu Bufaransa

Abakinnyi 57 bari ku rutonde rw’abakinnyi bagera kuri 368 b’amakipe y’ibihugu 16 bizakina imikino ya CAN 2017, izatangira ejo taliki 14 Mutarama igasozwa taliki 05 Gashyantare 2017, bose bakina (...)

Manchester United irifuza abakinnyi babiri ba Tottenham
Manchester United irifuza abakinnyi babiri ba Tottenham

Ikipe ya Manchester United irifuza gusinyisha abakinnyi Danny Rose na Kayle Walker basanzwe bakina mu bwugarizi bwa Totteham Hotspurs . Ikinyamakuru “The Sun” cyatangaje ko umutoza wa (...)

Perezida wa CAF, Issa Hayatou, yahamagajwe mu rukiko kubera ruswa
Perezida wa CAF, Issa Hayatou, yahamagajwe mu rukiko kubera ruswa

Ubuyobozi bwo mu Misiri amarushanwa bwemeje ko bugiye gukurikirana perezida w’Impuzamashyirahamwe y’umupira w’amaguru muri Afurika “CAF”, Dr Issa Hayatou ukekwaho ruswa. Ubu buyobozi bwagaragaje ko (...)

Ruhango:Umushinga wari umaze imyaka 10 ufasha abatishoboye wahagaritse ibikorwa byawo
Ruhango:Umushinga wari umaze imyaka 10 ufasha abatishoboye wahagaritse ibikorwa byawo

Umushinga w’Abanyamerika ushinzwe kurwanya inzara, utangaza ko wahagaritse bimwe mu bikorwa byo kwita ku baturage batishoboye bo mu murenge wa Mbuye mu karere ka Ruhango. Hari hashize imyaka 10 (...)

Imvururu z’abamagana Kabila zatumye Shampiyona ya Congo iba ihagaritswe
Imvururu z’abamagana Kabila zatumye Shampiyona ya Congo iba ihagaritswe

Minisitiri w’imikino muri Republika Iharanira Demokarasi ya Congo yafashe icyemezo cyo guhagarika shampiyona y’icyiciro cya mbere kuva kuri uyu wa kane taliki 15 Ukuboza 2016 kuzageza taliki14 (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.