2017-07-23 11:30:24 clouds 27o High | Kigali Rwanda

Dukurikire:
 
 

Renato Sanches ni we mukinnyi witwaye neza ukiri muto ku mugabane w’u Burayi

Yanditswe na IMVAHO NSHYA

Kuya 2016-10-25 07:02:13

 
Share on:
 
Yasuwe:2
 
Yavuzweho:200
 
10
 
10

Umukinnyi w’ikipe y’igihugu ya Portugal n’ikipe ya Bayern Munich mu Budage, Renato Sanches, w’imyaka 19 y’amavuko ni we wahawe igihembo cy’umukinnyi witwaye neza akiri muto “Golden Boy Award” muri uyu mwaka wa 2016.

Uyu musore ni we mukinnyi mwiza mu batarengeje imyaka 21 ku mugabane w’u Burayi. Mu bakinnyi baje inyuma ye hari Marcus Rashford (Manchester United), Français Kingsley Coman (Bayern Munich), Youri Tielemans (Anderlecht) na Leon Bailey (KRC Genk).

JPEG - 63.8 kb
Renato Sanches

Impamvu Renato yarushije bagenzi kuko yigaragaje cyane uyu mwaka mu ikipe y’igihugu ya Portugal yegukanye igikombe cy’u Burayi 2016 muri Nyakanga 2016 mu Bufaransa. Yaguzwe n’ikipe ya Bayern Munich avuye muri Benefica yo muri Portugal kuri miliyoni 35 z’amayero. Gusa yari yifujwe n’amakipe akomeye nka Manchester United yo mu Bwongereza.

Iki gihembo cyatangiye gutangwa muri 2003 aho abanyamakuru mpuzamahanga bagera kuri 30 batanga amanota.

Kuva muri 2003 iki gihembo cyegukanwe na Rafaël van der Vaart (2003), Wayne Rooney (2004), Lionel Messi (2005), Cesc Fabregas (2006), Sergio Aguëro (2007), Anderson (2008), Alexander (2009), Mario Balotelli (2010), Mario Götze (2011), Paul Pogba (2013), Raheem Sterling (2014) na Anthony Martial (2015).

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE