2017-06-25 13:58:23 clouds 27o High | Kigali Rwanda

Dukurikire:
 
 

RRA VC iratangira irushanwa rya Afurika ikina na Bejaia yo muri Algeria

Yanditswe na IMVAHO NSHYA

Kuya 2016-04-23 13:33:27

 
Share on:
 
Yasuwe:5
 
Yavuzweho:200
 
10
 
10

Ikipe y’abagore ya RRA VC ihagarariye u Rwanda mu mikino y’Afurika y’amakipe yabaye ayambere iwayo muri Volleyball “Women’s African Club Championship 2016” irimo kubera muri Tunizia irakina umukino wayo wa mbere uyu munsi taliki 23 Mata 2016 aho iza guhura na Mechaal Bejaia yo muri Algeria.

Iyi mikino y’Afurika yatangiye ejo hashize taliki 22 Mata 2016 yitabiriwe n’amakipe 17 ari mu matsinda 4. Itsinda A ririmo Carthage (Tunisia), Ndejje (Uganda), RRA VC (Rwanda) na Mechaal Bejaia (Algeria). Itsinda B harimo Ahly (Misiri), Sfax (Tunisia), Wilaya Bejaia (Algeria) na Bafia (Cameroon).

JPEG - 331.9 kb
Ikipe ya RRA VC yaserukiye u Rwanda mu mikino y’Afurika

Mu itsinda C harimo Pipeline (Kenya), FAP (Cameroon), GSP (Algeria) na Police (Ghana) naho itsinda D hakazamo El Shams (Misiri), Prisons (Kenya)- Ndella (Gabon), Jos South (Nigeria) na Injis (Cameroon).

Imikino RRA izakina mu majonjora

Uretse umukino iyi kipe iza gukina uyu munsi na Mechaal Bejaia. Ejo taliki 24 Mata 2016, RRA VC izakina na Carthage yo muri Tunizia. Iyi kipe ikaba yarasezereye RRA VC umwaka ushize wa 2015 mu mikino y’Afurika. Taliki 26 Mata 2016 , RRA VC ikine na Ndejje yo muri Uganda.

Uyu ukaba uzaba ari umukino wa nyuma mu itsinda. Iyi mikino y’Afurika ikaba izasozwa taliki 30 Mata 2016.

Ikipe RRA VC mu mikino y’Afurika iheruka umwaka ushize wa 2015 yabereye mu Misiri, yaviriyemo muri ¼ naho ubwo yitabiraga bwa mbere muri 2012 muri Kenya yegukanye umwanya wa 5.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE