2017-06-24 12:54:56 clouds 27o High | Kigali Rwanda

Dukurikire:
 
 

Real Madrid yatomboye kuzahura na Bayern Munich muri ¼

Yanditswe na IMVAHO NSHYA

Kuya 2017-03-18 10:16:39

 
Share on:
 
Yasuwe:163
 
Yavuzweho:200
 
10
 
10

Ikipe ya Real Madrid yo muri Espagne yatomboye kuzahura na Bayern Munich yo mu Budage mu mikino ya ¼ cy’irangiza cy’amakipe yabaye aya mbere ku mugabane w’u Burayi “UEFA Champions League”.

Ni nyuma ya tombola yabaye ejo hashize taliki 17 Werurwe 2017 i Nylon mu Busuwisi ku cyicaro gikuru cy’ishyirahamwe ry’umupira w’amaguru ku mugabane w’u Burayi “UEFA”.

Real Madrid imaze kwegukana iri rushanwa inshuro nyinshi (11), ni yo izakira umukino wo kwishyura i Santiago Bernabeu taliki 18 Mata 2017 nyuma y’uko izaba yabanje gusura Bayern Munich mu mukino ubanza i Allianz Arena tariki 12 Mata 2017.

JPEG - 122.5 kb
Cristiano Ronaldo wa Real Madrid (ufite umupira) ahanganye n’abakinnyi ba Bayern Munich ubwo baheruka guhura

Imibare yerekana ko Bayern Munich iri imbere ya Real Madrid ifite iki gikombe giheruka nyuma y’uko mu mikino 21 baheruka gukina yatsinzemo imikino 11 ku 8, banganya 2, itsindamo ibitego 33 kuri 27.

Uko andi makipe yatomboranye: Atletico Madrid izahura na Leicester City Juventus izakina na Barcelone, Borussia Dortmond izahura na AS Monaco. Imikino ibanza izaba taliki 11- 12 Mata 2017, iyo kwishyura izabe taliki 18-19 Mata 2017.

Habaye na tombola y’imikino ya Europa League

Uretse tombola y’uko amakipe azahura muri “UEFA Champions League”, hamenyekanye n’uko amakipe azahura mu mikino ya ¼ ihuza amakipe yitwaye neza i Burayi “Europa League”.

Anderlecht izahura na Manchester United, Celta Vigo izahura na Genk, Ajax na Schalke naho Lyon izahure na Besiktas. Imikino ibanza izaba taliki 13 Mata 2017 naho iyo kwishyura izabe taliki 20 Mata 2017.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE