Advertisement
 
 
 
 
 
 
 
 

Siporo | Siporo Mu Mahanga

Ntoza Nigeria nari meze nk’uri ikuzimu-Sunday Oliseh   

  Yanditswe na BIZIMANA ERIC
 July 2016

 
 

Sunday Oliseh, umunya Nigeria watoje ikipe y’igihugu Super Eagles kuva muri Nyakanga 2015 kugeza muri Gashyantare 2016; yagererayije ubuzima yabayemo muri ako kazi n’ubw’ikuzimu.

Mu buhamya burebure bw’amapaji 8 yanyujije ku rubuga rwa interineti rwe; Oliseh agaragaza uburyo yabayeho mu buzima bubi biturutse ku mikorere idahwitse ya Federasiyo.

Icya mbere ni ugusuzugurwa n’abakinnyi Vicent Enyama wari Kapiteni wa Nigeria na John Obi Mikel kimwe na Victor Moses; yabahamagaye ashaka ko babonana bakanga kumwitaba; nyuma bahimba ko bavunitse banga kuza gukina umukino wo gushaka itike ya CAN 2017 wahuje Nigeria na Tanzania.

JPEG - 96.3 kb
Sunday Oliseh

Icya kabiri, Oliseh agarukaho ni ikibazo cy’imishahara n’ibyo yari yijejwe atigeze abona; ahubwo bikamuviramo guterwa n’abajura mu rugo rwe bazi ko aryamye ku madolari.

Oliseh Ati”Amafaranga y’ukwezi kwa karindwi nayahembwe mu kwa mu munani. Kuva icyo gihe sinongeye guhembwa ukundi. Ikimbabaza ni Perezida wa Federasiyo Amaju Pinnick, wari wabwiye abanyamakuru ko bampembye amezi atandatu mbere y’uko ntangira akazi. Ibyo binyoma byatumye mu kwa 10 abajura batera urugo rwanjye rw’i Lagos bazi ko mfite amafaranga menshi.”

Oliseh anavuga ko ubwo barimo bitegura CHAN 2016 bari i Pretoria muri Afurika y’Epfo Jean François Lusciuto wari umutoza wungirije wa Nigeria yarwaye igifu bikomeye; agomba kubagwa ageze mu bitaro abaganga banga kumuvura batishyuwe; hitabazwa Ambasade ya Nigeria ntiyagira icyo ikora birangira Oliseh yikoze ku mufuka kugira ngo atabare ubuzima bwe.

Oliseh avuga ko bari muri Afurika y’Epfo, abakinnyi babuze ibikoresho by’imyitozo nta n’amafunguro ahagije babona. Icyo gihe Oliseh yifashishije inshuti ze ajya kugura inkweto z’abakinnyi mu mafaranga ye bwite kandi ntiyanayasubizwa.

Oliseh akomeza avuga ku buryo yasezerewe muri CHAN, nyuma y’uko abakinnyi be bari babuze ibyo bemerewe.

Anagaruka kandi ku bibazo yagiranye n’itangazamakuru, bikozwe n’abayobozi bo muri Federasiyo batasibaga mu nama zikomeye z’I Burayi aho kwita ku bibazo by’ingenzi.

 

Comments

 
 
Muhitira ‘Magare’ yabonye ikipe nshya mu Butaliyani
Muhitira ‘Magare’ yabonye ikipe nshya mu Butaliyani

Muhitira Felicien bakunze kwita “Magare”, umunyarwanda ukina umukino wo gusiganwa ku maguru nk’uwabigize umwuga mu gihugu cy’u Butaliyani yamaze kubona ikipe nshya agiye gusinyira amasezerano (...)

Real Madrid yatomboye kuzahura na Bayern Munich muri ¼
Real Madrid yatomboye kuzahura na Bayern Munich muri ¼

Ikipe ya Real Madrid yo muri Espagne yatomboye kuzahura na Bayern Munich yo mu Budage mu mikino ya ¼ cy’irangiza cy’amakipe yabaye aya mbere ku mugabane w’u Burayi “UEFA Champions League”. Ni nyuma (...)

Marcel Desailly  ashobora  kuba umutoza wa Ghana
Marcel Desailly ashobora kuba umutoza wa Ghana

Marcel David Desailly , ukomoka muri Ghana akaba ariko yarakiniye ikipe y’igihugu y’u Bufaransa ashobora kuba umutoza w’ikipe y’igihugu ya Ghana nyuma y’igenda ry’uwari umutoza wayo Avram Grant. (...)

Rafael Benitez nawe ari mu bashobora gusimbura Arsene Wenger
Rafael Benitez nawe ari mu bashobora gusimbura Arsene Wenger

Nyuma y’amakuru yagiye ahagaraga ko umutoza wa Arsenal, Arsene Wenger ashobora kuva muri iyi kipe hatangajwe abatoza bashobora kumusimbura barimo Massimiliano Allegri utoza Juventus mu (...)

Rayon Sports yatsinze, APR FC iranganya
Rayon Sports yatsinze, APR FC iranganya

Zanaco FC 0-0 APR FC, Al Wau Salaam 0-4 Rayon Sports Taliki 18-02-2017: APR FC-Zanaco FC (Amahoro-15h30) Taliki 19-02-2017: Rayon -Al Wau Salaam (Amahoro-15h30) Ikipe ya Rayon Sports yitwaye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.