2017-06-25 13:58:23 clouds 27o High | Kigali Rwanda

Dukurikire:
 
 

Mourinho agiye kugarura Rio Ferdinand muri Manchester United

Yanditswe na IMVAHO NSHYA

Kuya 2016-05-31 07:27:26

 
Share on:
 
Yasuwe:3
 
Yavuzweho:200
 
10
 
10

Nyuma yo guhabwa amasezerano yo gutoza ikipe ya Manchester United, Jose Mourinho yatangaje ko agiye kugarura Rio Ferdinand wari myugariro w’iyi kipe akaza mu batoza bungirije.

Uyu mutoza ukunda kujya mu ikipe akijyanira abungiriza be ashobora kuba adashaka gukorana na Ryan Giggs wabaye umukinnyi ukomeye w’iyi kipe akaba yari yungirije Louis van Gaal wirukanwe.

Mourinho yabwiye Daily Mail ko azazana abatoza be bamwungirije ari bo Rui Faria na Silvino Louro gusa ngo yifuza uyu Rio Ferdinand kugira ngo abe yamufasha kuzamura iyi kipe imaze iminsi ititwara neza.

JPEG - 42.2 kb
Mourinho agiye kugarura Rio Ferdinand

Bivugwa ko Ryan Giggs agomba gutoza ikipe y’abatarengeje imyaka 21. Rio Ferdinand wabaye muri Manchester United imyaka 12 nyuma yo kubona uruhushya rumwemerera kuba umutoza ntacyo aratangaza kuri aya makuru.

Ferdinand w’imyaka 37 y’amavuko yageze muri Manchester United nk’umukinnyi muri 2002 ayivamo muri 2014. Yabashije gukina imikino 444 atsinda ibitego 8.

Yafashije Manchester United kwegukana ibikombe bya shampiyona 6 (2002-2003, 2006–2007, 2007–2008, 2008–2009, 2010–2011 na 2012–2013), League Cup 3 (2005-2006, 2008-2009 na 2009-2010), FA Community Shield 6 (2003, 2007, 2008, 2010, 2011 na 2013), UEFA Champions League 1 (2007–2008) na FIFA Club World Cup 1 (2008).

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE