Advertisement
 
 
 
 
 
 
 
 

Siporo | Siporo Mu Mahanga

Michel Platini yagabanirijwe ibihano   

  Yanditswe na NKOMEJE GUILLAUME
 May 2016

 
 

Umufaransa Michel Platini wari Perezida w’Impuzamashyirahamwe y’umupira w’amaguru ku mugabane w’u Burayi «UEFA » yagabanirijwe ibihano n’urukiko rukurikirana ibikorwa bya Siporo bivanwa ku myaka 6 bigera ku myaka 4 azamara ntaho ahurira n’ibikorwa by’umupira w’amaguru.

Mu itangazo ryashyizwe ahagaragara n’abungazi be mu mategeko batangaje ejo hashize taliki 9 Gicurasi 2016 ko Michel Platini yagabanyirijwe ibihano ndetse ko atazagaragara mu muhango wo gutangiza amarushanwa y’igikombe cy’u Burayi « Euro 2016 » izabera mu Bufaransa.

JPEG - 35.3 kb
Michel Platini yagabanirijwe ibihano biva ku myaka 6 bijya ku myaka 4

Platini yeguye ku mirimo yo kuyobora UEFA kugira ngo akurikirane ibirego ashinjwa n’inkiko zo mu Busuwisi. Urukiko kandi rwagabanyije amande FIFA yari yaraciye Platini avanwa ku mayero ibihumbi 72 agera ku mayero ibihumbi 54.

Mu Kuboza 2015, Michel Platini yahagaritswe na komisiyo nshingwamyitwarire y’Ishyirahamwe ry’umupira w’amaguru ku Isi « FIFA » igihe kingana n’imyaka 8 ntaho ahurira n’ibikorwa by’umupira w’amaguru nyuma yo gushinjwa ko hari amafaranga miliyoni 1,8 y’amayero yahawe muri 2011 n’uwari Perezida wa FIFA Sepp Blater nawe waje kwegura ashinjwa ruswa.

Ishyirahamwe ry’umupira w’amaguru mu Bufaransa « FFF » mu itangazo ryashyize ahagaragara ryavuze ko rizubaha icyemezo cy’urukiko ku bihano byafatiwe Platini ariko ko bazakomeza kuzirikana ibikorwa by’indashyikirwa yakoze mu guteza imbere umupira w’amaguru cyane nk’umuyobozi wa UEFA.

Akanama Nshingwabikorwa ka UEFA kazaterana mu cyumweru gitaha karebera hamwe uzasimbura Platini kuri uyu mwanya. Biteganyijwe ko abayobozi bakuru batandukanye b’amashyirahamwe y’umupira w’amaguru ku mugabane w’u Burayi bazahurira i Athenes mu matora y’umuyobozi wa UEFA azaba muri Nzeri 2016.

 

Comments

 
 
Muhitira ‘Magare’ yabonye ikipe nshya mu Butaliyani
Muhitira ‘Magare’ yabonye ikipe nshya mu Butaliyani

Muhitira Felicien bakunze kwita “Magare”, umunyarwanda ukina umukino wo gusiganwa ku maguru nk’uwabigize umwuga mu gihugu cy’u Butaliyani yamaze kubona ikipe nshya agiye gusinyira amasezerano (...)

Real Madrid yatomboye kuzahura na Bayern Munich muri ¼
Real Madrid yatomboye kuzahura na Bayern Munich muri ¼

Ikipe ya Real Madrid yo muri Espagne yatomboye kuzahura na Bayern Munich yo mu Budage mu mikino ya ¼ cy’irangiza cy’amakipe yabaye aya mbere ku mugabane w’u Burayi “UEFA Champions League”. Ni nyuma (...)

Marcel Desailly  ashobora  kuba umutoza wa Ghana
Marcel Desailly ashobora kuba umutoza wa Ghana

Marcel David Desailly , ukomoka muri Ghana akaba ariko yarakiniye ikipe y’igihugu y’u Bufaransa ashobora kuba umutoza w’ikipe y’igihugu ya Ghana nyuma y’igenda ry’uwari umutoza wayo Avram Grant. (...)

Rafael Benitez nawe ari mu bashobora gusimbura Arsene Wenger
Rafael Benitez nawe ari mu bashobora gusimbura Arsene Wenger

Nyuma y’amakuru yagiye ahagaraga ko umutoza wa Arsenal, Arsene Wenger ashobora kuva muri iyi kipe hatangajwe abatoza bashobora kumusimbura barimo Massimiliano Allegri utoza Juventus mu (...)

Rayon Sports yatsinze, APR FC iranganya
Rayon Sports yatsinze, APR FC iranganya

Zanaco FC 0-0 APR FC, Al Wau Salaam 0-4 Rayon Sports Taliki 18-02-2017: APR FC-Zanaco FC (Amahoro-15h30) Taliki 19-02-2017: Rayon -Al Wau Salaam (Amahoro-15h30) Ikipe ya Rayon Sports yitwaye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.