2017-05-28 11:19:27 clouds 27o High | Kigali Rwanda

Dukurikire:
 
 

Lionel Messi yasezeye mu ikipe ya Argentine

Yanditswe na IMVAHO NSHYA

Kuya 2016-06-27 06:21:27

 
Share on:
 
Yasuwe:3
 
Yavuzweho:200
 
10
 
10

Rutahizamu w’ikipe ya FC Barcelona, Lionel Messi yatangaje ko atazongera gukinira igihugu cye Argentine nyuma yo gutsindwa na Chili kuri penariti mu mukino wa nyuma w’igikombe cya Copa America.

Nyuma y’uwo mukino yarasemo penariti, Messi yagize ati” Sinzongera gukinira mu ikipe y’igihugu. Nakoze ibishoboka byose, ariko birababaza kudatwara igikombe.”

Uyu mugabo w’imyaka 29 , yahesheje Barcelona ibikombe umunani bya La Liga na bine bya Champions League.

JPEG - 52.8 kb
Lionel Messi yari amaze imyaka isaga 10 akinira Argentina

Ariko mu mikino mpuzamahanga y’ibihugu aheruka umudali wa zahabu Argentine yatwaye mu mikino ya Olempike. Mu myaka itatu ishize, iki gihugu kimaze gutsindwa imikino ya nyuma itatu.

Mu gikombe cy’Isi cya 2014, Argentina yatsinzwe igitego 1-0 n’u Budage na nyuma yaho ibura ibikombe bibiri bya Copa Amerika itsinzwe na Chili kuri penariti.

Lionel Messi kandi yakiniye Argentine ubwo yatsindwaga na Brazil mu mukino wa nyuma wa Copa America muri 2007.

Mu mukino waraye ubaye, amakipe yombi yamaze iminota 120 anganya ubusa ku busa, maze Chili itsinda penaliti enye kuri ebyiri.

Messi yateye penariti ya mbere arayirata. Lucas Biglia nawe yarase, Francisco Silva wa Chili atsinda penariti ya nyuma Argentine ibura igikombe.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE