Advertisement
 
 
 
 
 
 
 
 

Siporo | Siporo Mu Mahanga

Karim Benzema aracyagowe no guhamagarwa mu ikipe y’igihugu   

  Yanditswe na BUGINGO FIDELE
 September 2016

 
 

Biracyagoye kugira ngo rutahizamu wa Real Madrid Karim Benzema ahamagarwe mu ikipe y’igihugu nyuma y’aho agiranye ibibazo na mugenzi we Mathieu Valbuena.

Aba bose bakinira ikipe y’u Bufaransa, Karim Benzema byavuzwe ko yaba yari yihishe inyuma y’amashusho yagiye ahagaragara y’uyu mugenzi we, Mathieu Valbuena ari kumwe n’umugore we mu cyumba.

Kuba uyu mukinnyi witwara neza muri Real Madrid adahamagarwa ngo ni ubushake bw’umutoza. Perezida w’ishyirahamwe ry’umupira w’amaguru mu Bufaransa “FFF”, Noel Le Graet avuga ko badashobora kwitambika igihe umutoza yaba yahamagaye uyu mukinnyi.

Yagize ati “Kugaruka mu ikipe y’igihugu byose ni bizaterwa n’umutoza”.

JPEG - 227.3 kb
Karim Benzema nyuma y’icyemezo cy’urukiko ni bwo azongera guhamagarwa mu ikipe y’igihugu

Uyu rutahizamu w’imyaka 28 wabashije gutsinda ibitego 28 mu mikino 36 yakinnye umwaka w’imikino 2015-2016 muri Real Madrid ntabwo yabashije gukina imikino y’igikombe cy’u Burayi “Euro 2016” yabereye mu Bufaransa ndetse n’iyi kipe ikagera ku mukino wa nyuma.

Uyu mukinnyi kandi ntabwo yahamagawe ubwo u Bufaransa bwatsindaga u Butaliyani ibitego 31 mu mukino wa gicuti bitegura umukino wa Belarus mu gushaka itike y’igikombe cy’isi 2018.

Perezida wa FFF, Noel Le Graet avuga ko imiryango igikinguye ku bakinnyi barimo Benzema, Samir Nasri n’ubwo yasezeye.

Yagize ati “Benzema ntabwo yakinnye imikino ya Euro 2016, nta kibazo afitanye n’umutoza yewe nanjye ntacyo dufitanye, mu mategeko yemerewe guhamagarwa kimwe n’abandi gusa urukiko nirushyira ibintu mu buryo azaba ashobora guhamagarwa n’umutoza cyangwa se kutamuhamagara”.

Kuva taliki 04 Ugushyingo 2015 ni bwo Benzema yatangiye gukurikirwanwa akaba ari nabwo aheruka guhamagarwa mu ikipe y’igihugu. Kuva mu 2007 kugeza 2015 amaze gukinira u Bufaransa imikino 81 yatsinze ibitego 27.

 

Comments

 
 
Muhitira ‘Magare’ yabonye ikipe nshya mu Butaliyani
Muhitira ‘Magare’ yabonye ikipe nshya mu Butaliyani

Muhitira Felicien bakunze kwita “Magare”, umunyarwanda ukina umukino wo gusiganwa ku maguru nk’uwabigize umwuga mu gihugu cy’u Butaliyani yamaze kubona ikipe nshya agiye gusinyira amasezerano (...)

Real Madrid yatomboye kuzahura na Bayern Munich muri ¼
Real Madrid yatomboye kuzahura na Bayern Munich muri ¼

Ikipe ya Real Madrid yo muri Espagne yatomboye kuzahura na Bayern Munich yo mu Budage mu mikino ya ¼ cy’irangiza cy’amakipe yabaye aya mbere ku mugabane w’u Burayi “UEFA Champions League”. Ni nyuma (...)

Marcel Desailly  ashobora  kuba umutoza wa Ghana
Marcel Desailly ashobora kuba umutoza wa Ghana

Marcel David Desailly , ukomoka muri Ghana akaba ariko yarakiniye ikipe y’igihugu y’u Bufaransa ashobora kuba umutoza w’ikipe y’igihugu ya Ghana nyuma y’igenda ry’uwari umutoza wayo Avram Grant. (...)

Rafael Benitez nawe ari mu bashobora gusimbura Arsene Wenger
Rafael Benitez nawe ari mu bashobora gusimbura Arsene Wenger

Nyuma y’amakuru yagiye ahagaraga ko umutoza wa Arsenal, Arsene Wenger ashobora kuva muri iyi kipe hatangajwe abatoza bashobora kumusimbura barimo Massimiliano Allegri utoza Juventus mu (...)

Rayon Sports yatsinze, APR FC iranganya
Rayon Sports yatsinze, APR FC iranganya

Zanaco FC 0-0 APR FC, Al Wau Salaam 0-4 Rayon Sports Taliki 18-02-2017: APR FC-Zanaco FC (Amahoro-15h30) Taliki 19-02-2017: Rayon -Al Wau Salaam (Amahoro-15h30) Ikipe ya Rayon Sports yitwaye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.