Advertisement
 
 
 
 
 
 
 
 

Siporo | Siporo Mu Mahanga

Ikipe ya Marseille yirukanye umutoza   

  Yanditswe na NKOMEJE GUILLAUME
 April 2016

 
 

Ikipe ya ruhago ya Olympique de Marseille yo mu Bufaransa, yamaze gutangaza ko yatandukanye n’uwari umutoza wayo Michel ukomoka muri Espagne nyuma yo kugira umusaruro utari mwiza.

Goal ivuga ko ubuyobozi bw’ikipe ya Marseille bwafashe iki cyemezo bitewe n’uko uyu mutoza ntacyo yigeze afasha iyi kipe kugira ngo yitware neza muri shampiyona y’u Bufaransa “Ligue 1”.

Bavuga ko bagendeye ku myitwaririre y’uyu mutoza cyane cyane mu byumweru 3 bishize, bafashe umwanzuro wo gutandukana nawe.

JPEG - 148.1 kb
Michel watozaga Marseille yamaze gusezererwa

Byarushije kuba bibi kuri uyu mutoza nyuma yo gutsindwa umukino wabahuje na Monaco ikabatsinda ibitego 2-1 mu mukino wabaye mu mpera z’icyumweru gishize byatumye iyi kipe imara amezi abiri n’igice idatsinda umukino n’umwe.

Mu gihe hasigaye imikino 4 ngo shampiyona isozwe Marseille iri ku mwanya wa 15 ku rutonde aho irusha amanota 6 amakipe ari mu myanya ya nyuma ashobora kumanuka mu cyiciro cya kabiri.

Franck Passi wari umutoza wungirije, ni we wahise ahabwa imirimo yo gutoza iyi kipe kugera iyi shampiyona irangiye aho azafatanya na Basile Boli nawe wahawe kuba umuhuzabikorwa wa siporo muri iyi kipe.

Uyu mutoza aratoza umukino wa mbere kuri uyu wa Gatatu taliki 20 Mata 2016 mu gikombe cy’igihugu akina na Sochaux kuri Sitade Bonal.

Mu mikino 4 ikipe ya Marseille isigaranye harimo umukino uzayihuza na Nantes, Angers, Reims ndetse na Troyes. Uretse kandi kuba ikipe ya Marseille iri mu bihe bibi, umuyobozi wayo Mukuru akaba na nyirayo Margarita Luis-Dreyfus aherutse gutangaza ko iri ku isoko.

 

Comments

 
 
Muhitira ‘Magare’ yabonye ikipe nshya mu Butaliyani
Muhitira ‘Magare’ yabonye ikipe nshya mu Butaliyani

Muhitira Felicien bakunze kwita “Magare”, umunyarwanda ukina umukino wo gusiganwa ku maguru nk’uwabigize umwuga mu gihugu cy’u Butaliyani yamaze kubona ikipe nshya agiye gusinyira amasezerano (...)

Real Madrid yatomboye kuzahura na Bayern Munich muri ¼
Real Madrid yatomboye kuzahura na Bayern Munich muri ¼

Ikipe ya Real Madrid yo muri Espagne yatomboye kuzahura na Bayern Munich yo mu Budage mu mikino ya ¼ cy’irangiza cy’amakipe yabaye aya mbere ku mugabane w’u Burayi “UEFA Champions League”. Ni nyuma (...)

Marcel Desailly  ashobora  kuba umutoza wa Ghana
Marcel Desailly ashobora kuba umutoza wa Ghana

Marcel David Desailly , ukomoka muri Ghana akaba ariko yarakiniye ikipe y’igihugu y’u Bufaransa ashobora kuba umutoza w’ikipe y’igihugu ya Ghana nyuma y’igenda ry’uwari umutoza wayo Avram Grant. (...)

Rafael Benitez nawe ari mu bashobora gusimbura Arsene Wenger
Rafael Benitez nawe ari mu bashobora gusimbura Arsene Wenger

Nyuma y’amakuru yagiye ahagaraga ko umutoza wa Arsenal, Arsene Wenger ashobora kuva muri iyi kipe hatangajwe abatoza bashobora kumusimbura barimo Massimiliano Allegri utoza Juventus mu (...)

Rayon Sports yatsinze, APR FC iranganya
Rayon Sports yatsinze, APR FC iranganya

Zanaco FC 0-0 APR FC, Al Wau Salaam 0-4 Rayon Sports Taliki 18-02-2017: APR FC-Zanaco FC (Amahoro-15h30) Taliki 19-02-2017: Rayon -Al Wau Salaam (Amahoro-15h30) Ikipe ya Rayon Sports yitwaye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.