Advertisement
 
 
 
 
 
 
 
 

Siporo | Siporo Mu Mahanga

George Weah agiye kongera kwiyamamariza kuyobora Liberia   

  Yanditswe na NKOMEJE GUILLAUME
 April 2016

 
 

George Weah wabaye umukinnyi umwe rukumbi ukomoka ku mugabane wa Afurika wabashije gutwara umupira wa zahabu utangwa na FIFA “Ballon d’Or” yatangaje ko azongera kwiyamamariza kuyobora igihugu cya Liberia.

Uyu mugabo w’imyaka 49 wakiniye Milan AC na PSG, ubwo yari Accra mu gihugu cya Ghana, ari naho atuye, yavuze ko azatangira kwiyamamaza mu mpera z’uku kwezi.

Ati “Nziyamamaza ku italiki 28 Mata 2016 kandi abantu banjye baranshyigikiye”.

Africa News ivuga ko nk’umuyobozi w’ishyaka “Congress for Democratic Change” George Weah afite icyizere ko azaribera umukandida muri aya matora.

JPEG - 44.9 kb
George Weah ugiye kongera kwiyamamariza kuyobora Liberia

Weah asanga mu gihe yaba agiye ku buyobozi hari byinshi yageza ku baturage ba Liberia.

Ati “Nzafasha abantu banjye gukora bashyize hamwe no kugira ubufatanye.”.

George Weah uherutse gutorerwa kuba umusenateri mu Gushyingo 2014, agiye kwiyamamariza kuyobora gihugu cya Liberia ku nshuro ya kabiri kuko ubwo aheruka muri 2005 yatsinzwe na Perezida uriho ubu Ellen Johnson Sirleaf w’imyaka 77 y’amavuko.

Amatora y’umukuru w’igihugu muri Liberia ateganyijwe kuba mu Kwakira 2017.

Mu gihe bamwe mu babaye abakinnyi bakomeye bahagarika gukina umupira bakaba abatoza cyangwa abayobozi b’amakipe n’amashyirahamwe y’umupira w’amaguru, George Weah yahisemo gukomereza muri Politike.

 

Comments

Izina Ryanyu
IGITEKEREZO

 
 
Abakinnyi  57  mu bazitabira CAN 2017 basanzwe bakina mu Bufaransa
Abakinnyi 57 mu bazitabira CAN 2017 basanzwe bakina mu Bufaransa

Abakinnyi 57 bari ku rutonde rw’abakinnyi bagera kuri 368 b’amakipe y’ibihugu 16 bizakina imikino ya CAN 2017, izatangira ejo taliki 14 Mutarama igasozwa taliki 05 Gashyantare 2017, bose bakina (...)

Manchester United irifuza abakinnyi babiri ba Tottenham
Manchester United irifuza abakinnyi babiri ba Tottenham

Ikipe ya Manchester United irifuza gusinyisha abakinnyi Danny Rose na Kayle Walker basanzwe bakina mu bwugarizi bwa Totteham Hotspurs . Ikinyamakuru “The Sun” cyatangaje ko umutoza wa (...)

Perezida wa CAF, Issa Hayatou, yahamagajwe mu rukiko kubera ruswa
Perezida wa CAF, Issa Hayatou, yahamagajwe mu rukiko kubera ruswa

Ubuyobozi bwo mu Misiri amarushanwa bwemeje ko bugiye gukurikirana perezida w’Impuzamashyirahamwe y’umupira w’amaguru muri Afurika “CAF”, Dr Issa Hayatou ukekwaho ruswa. Ubu buyobozi bwagaragaje ko (...)

Ruhango:Umushinga wari umaze imyaka 10 ufasha abatishoboye wahagaritse ibikorwa byawo
Ruhango:Umushinga wari umaze imyaka 10 ufasha abatishoboye wahagaritse ibikorwa byawo

Umushinga w’Abanyamerika ushinzwe kurwanya inzara, utangaza ko wahagaritse bimwe mu bikorwa byo kwita ku baturage batishoboye bo mu murenge wa Mbuye mu karere ka Ruhango. Hari hashize imyaka 10 (...)

Imvururu z’abamagana Kabila zatumye Shampiyona ya Congo iba ihagaritswe
Imvururu z’abamagana Kabila zatumye Shampiyona ya Congo iba ihagaritswe

Minisitiri w’imikino muri Republika Iharanira Demokarasi ya Congo yafashe icyemezo cyo guhagarika shampiyona y’icyiciro cya mbere kuva kuri uyu wa kane taliki 15 Ukuboza 2016 kuzageza taliki14 (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.