2017-07-22 13:49:51 clouds 27o High | Kigali Rwanda

Dukurikire:
 
 

Champions League: Manchester City yanganyije na Real Madrid

Yanditswe na IMVAHO NSHYA

Kuya 2016-04-27 07:44:00

 
Share on:
 
Yasuwe:0
 
Yavuzweho:200
 
10
 
10

Manchester City yaraye inganyije n’ikipe ya Real Madrid 0-0 mu mukino ubanza wa ½ mu marushanwa y’amakipe yabaye aya mbere iwayo ku mugabane w’u Burayi “Uefa Champions League”.

Ni mu mukino wabereye ku kibuga cya Etihad imbere y’imbaga y’abafana basaga ibihumbi 50. Uyu mukino wari ukomeye cyane kuko wagaragaje imbaraga, ishyaka no guhangana gukomeye ku mpande zombi ndetse Manchester City yatangiye iyobora umukino.

JPEG - 144.1 kb
Joe Hart yakomeje kubera ibamba ikipe ya Real Madrid ubwo yakuragamo umupira wa Pepe

Cristiano Ronaldo ntiyagaragaye mu kibuga kubera ikibazo cy’imvune, bayateye icyuho Real Madrid kuko hagiye haboneka uburyo bwiza bwakabaye bwavamo ibitego ariko umuzamu Joe Hart agakomeza kubabera ibamba.

Uburyo bukomeye bwabonetse muri uyu mukino ni ku munota 82 ubwo Joe Hart yaje gukuramo umupira ukomeye warutewe na myugariro Pepe.

Ntabwo byabaye byiza ku ruhande rw’umutoza Manuel Pellegrini, uretse kuba yanganyije na Real Madrid yaje kuvunikisha David Silva muri uyu mukino wahise wiyongera kuri Yaya Toure nawe ufite ikibazo cy’imvune. Aba bakinnyi bombi ntibazagaragara mu mukino wo kwishyura uzabera ku kibuga Santiago Bernabeu taliki 04 Gicurasi 2016.

Uyu munsi hateganyijwe undi mukino wa ½ aho ikipe ya Atletico Madrid yo muri Espagne yakira Bayern Munich yo mu Budage.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE