2017-06-26 13:56:47 clouds 27o High | Kigali Rwanda

Dukurikire:
 
 

Champions League: Bayern Munich irasabwa gutsinda ibitego 2 ngo ikomeze

Yanditswe na IMVAHO NSHYA

Kuya 2016-05-03 14:50:20

 
Share on:
 
Yasuwe:0
 
Yavuzweho:200
 
10
 
10

Ikipe ya Bayern Munich irasabwa gutsinda Athletico Madrid ikinyuranyo cy’ibitego bibiri kugira ngo ikomeze ku mukino wa nyuma wo kwishyura muri ½ cy’irangiza cy’amarushanwa y’amakipe yabaye aya mbere iwayo ku mugabane w’u Burayi “UEFA Champions League”

Uwo mukino uraza kubera ku kibuga cya Bayern Munich “Allianz Arena” saa mbiri n’iminota mirongo ine n’itanu ku isaha y’i Kigali.

Bayern Munich itaba ifite akazi katoroshye ko kwishyura igitego yatsinzwe mu mukino ubanza imbere y’Athletico Madrid iri mu bihe byiza kuko imaze gutsinda imikino 7 yikurikiranya mu marushanwa yose mu gihe Bayern Munich iheruka kunganya muri shampiyona igitego 1-1 na Borussia Monchengladbach.

JPEG - 98.8 kb
Saul Niguez watsinze igitego kimwe rukumbi cyabonetse mu mukino ubanza hagati y’abakinnyi ba Bayer Munich

Byatumye ibitangazamakuru bishyira mu majwi Bayern Munich n’ umutoza wayo Pep Guadiola ko aribo bitwaye nabi mu mikino yose yabaye mu mpera z’icyumweru gishize.

Pep Guadiola uri gutoza umwaka w’imikino we wa nyuma muri iyi kipe aremeza ko ikipe ye yiteguye gukora ibishoboka byose kugira ngo yitware neza.

Umutoza wa Atletico Madrid, Diego Simeone mu kiganiro yagiranye n’itangazamakuru mbere y’uyu mukino yatangaje ko nta mukino n’umwe asuzugura ko intego bafite ni ugutsinda .

Amakuru meza avugwa muri iyi kipe ni ukugarura mu kibuga abakinnyi bayo batagaragaye mu mukino ubanza barimo myugariro Diego Godin nyuma y’ikibazo yarafite cy’imvune cyatumye atagaragara mu mukino ndetse na Yannick Ferreira-Carrasco ushobora kuza kuba ari ku ntebe y’abasimbura.

Ejo, ku ya 4 Gicurasi 2016

Real Madrid -Manchester City (20h45)

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE