2017-07-27 11:26:56 clouds 27o High | Kigali Rwanda

Dukurikire:
 
 

Champions League: Atletico yikuye mu nzara za Bayern Munich

Yanditswe na IMVAHO NSHYA

Kuya 2016-04-28 08:23:08

 
Share on:
 
Yasuwe:0
 
Yavuzweho:200
 
10
 
10

Saul Niguez yafashije Atletico Madrid kwikura imbere ya Bayern Munich iyitsinze igitego 1-0 mu mukino ubanza wa ½ mu marushanwa y’amakipe yabaye aya mbere i wayo ku mugabane w’u Burayi “UEFA Champions League”.

Muri uyu mukino, wabereye ku kibuga cya Atletico Madrid “Vicente Calderon”, Athletico Madrid yatangiye igaragaza ko ishaka igitego hakiri kare nk’ikipe yakiniraga mu rugo.

Byaje kuyihira kuko ku munota wa 11 w’umukino Saul Niguez, yatsinze igitego kimwe rukumbi cyabonetse muri uyu mukino.

JPEG - 186.3 kb
Saul Niguez (17) na bagenzi be bishimira igitego yaramaze gutsinda

Ku munota wa 75, rutahizamu Fernando Torres yabonye amahirwe yo kuba yatsinda igitego ariko ntibyamuhiriye kuko umupira waje gukubita ku giti cy’izamu ukagaruka.

Bayern Munich yakomeje kwiharira umupira ku buryo bugaragara ndetse ikomeza gusatira n’ imbaraga nyinshi ishaka uko yabona igitego cyo kwishyura ariko umunyezamu Jan Oblak ndetse na bamyugariro bakomeza kwihagararaho.

Uburyo bukomeye bwo gutsinda Bayern Munich yabonye ni aho myugariro David Alaba yateye umupira ukagarurwa n’umutambiko w’izamu. Umukino wo kwishyura uzabera ku kibuga Allianz Arena taliki 03 Gicurasi 2016.

Uyu munsi amarushanwa y’amakipe yitwaye neza ku mugabane w’u Burayi “Europa League” arakomeza Villareal irakira Liverpool naho Shaktar Donesk yakire FC Seville. Iyi mikino yose iratangira saa tatu n’iminota itanu ku isaha yo mu Rwanda (21h05).

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE