2017-10-16 07:05:01 clouds 27o High | Kigali Rwanda

Dukurikire:
 
 

Ceferin yasimbuye Platini ku buyobozi bwa UEFA

Yanditswe na IMVAHO NSHYA

Kuya 2016-09-14 13:35:03

 
Share on:
 
Yasuwe:1
 
Yavuzweho:200
 
10
 
10

Aleksander Ceferin ukomoka muri Slovenia yabaye umuyobozi mushya w’Ishyirahamwe ry’umupira w’amaguru ku mugabane w’u Burayi “UEFA”asimbuye Michel Platini wahagaritswe mu bikorwa by’umupira w’amaguru mu mwaka ushize.

Ceferin yatorewe kuyobora UEFA, ejo hashize taliki 14 Nzeri 2016 mu nama idasanzwe yabereye i Athene mu Bugereki aho yagize amajwi 42 ku bantu 55 bahagarariye amashyirahamwe agize UEFA bari bateganyijwe gutora.

Aleksander Ceferin wari umuyobozi w’Ishyirahamwe ry’umupira w’amaguru muri Slovenia “FAS”yatsinze Michael van Praag, umuyobozi w’ishyirahamwe ry’umupira w’amaguru mu Buholandi “KNVB” wagize amajwi 13.

Umufaransa Michel Platini wari umuyobozi wa UEFA aherutse kwegura muri Gicurasi 2016 nyuma yo guhamwa n’icyaha cyo kwakira miliyoni 1, 3 y’amapawundi yatanzwe mu buryo budakurikije amategeko muri 2011 n’uwari Perezida wa FIFA Sepp Blatter.

Aleksander Ceferin w’imyaka 48 azayobora UEFA mu gihe cy’imyaka 2 n’igice yari isigaye kuri mandat ya Michel Platini aho isizarangira muri 2019.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE