Advertisement
 
 
 
 
 
 
 
 

Siporo | Siporo Mu Mahanga

CAN 2017: Umutoza Micho wisanze mu itsinda rikomeye, aratabaza Leta ya Uganda   

  Yanditswe na BIZIMANA ERIC
 5 months ago

 
 

Micho Sredojević, umunya Serbia, utoza ikipe y’igihugu ya Uganda arasaba Leta ya Uganda kumufasha agatangira hakiri kare imyiteguro y’igikombe cy’Afurika CAN 2017 kizabera muri Gabon mu mwaka utaha.

Ni nyuma yo kubona ibyavuye muri Tombola y’amatsinda y’iki gikombe, aho Uganda yisanze mu itsinda D hamwe na Ghana ya gatanu, Misiri ya gatandatu na Mali ya cyenda muri Afurika ku rutonde rwa Fifa.

Aganira n’itangazamakuru Micho yumvikanishije ko ari mu itsinda ry’urupfu agira ati ’’Ghana yatsindiwe ku mukino wa nyuma wa CAN iheruka yabereye muri Guinée Equatorial, Misiri ifite inzara yo kuba yari imaze gusiba ibikombe bya CAN bitatu biheruka naho Mali nayo yagiye muri CAN inshuro ebyiri muri eshatu ziheruka ’Ni itsinda rikomeye ariko wongereho ngo cyane.’’

Aha ni ho Micho yahereye asaba Leta ya Uganda gukora ibishoboka igafasha ikipe y’igihugu kugira ngo ihite itangira imyiteguro.

Micho ati ’’Dukeneye kwitegura nonaha mu rukundo n’amasengesho y’abagande tukazajyana ikipe ishoboye, yakinnye imikino ya gicuti myinshi, kandi ndizera ko Guverinoma nayo ibizi’’

Yungamo ati ’’Kujya mu gikombe cy’Afurika ni kimwe, ariko tugomba kwitegura nonaha, tukabikora bikwiriye bitari mu magambo, tugaharura neza inzira ku buryo tuzinjira muri CAN tugiye guhangana koko.’’

Tombola y’uko amatsinda ya CAN 2017 yabaye ejobundi hashize ku wa Gatatu, yasize amatsinda ateye ku buryo bukurikira:

Itsinda A: Gabon, Burkina Faso, Cameroon, Guinea Bissau
Itsinda B: Algeria, Tunisia, Senegal, Zimbabwe
Itsinda C: Cote D’Ivoire, DR Congo, Morocco, Togo
Itsinda D: Ghana, Mali, Egypt na Uganda

 

Comments

 
 
Muhitira ‘Magare’ yabonye ikipe nshya mu Butaliyani
Muhitira ‘Magare’ yabonye ikipe nshya mu Butaliyani

Muhitira Felicien bakunze kwita “Magare”, umunyarwanda ukina umukino wo gusiganwa ku maguru nk’uwabigize umwuga mu gihugu cy’u Butaliyani yamaze kubona ikipe nshya agiye gusinyira amasezerano (...)

Real Madrid yatomboye kuzahura na Bayern Munich muri ¼
Real Madrid yatomboye kuzahura na Bayern Munich muri ¼

Ikipe ya Real Madrid yo muri Espagne yatomboye kuzahura na Bayern Munich yo mu Budage mu mikino ya ¼ cy’irangiza cy’amakipe yabaye aya mbere ku mugabane w’u Burayi “UEFA Champions League”. Ni nyuma (...)

Marcel Desailly  ashobora  kuba umutoza wa Ghana
Marcel Desailly ashobora kuba umutoza wa Ghana

Marcel David Desailly , ukomoka muri Ghana akaba ariko yarakiniye ikipe y’igihugu y’u Bufaransa ashobora kuba umutoza w’ikipe y’igihugu ya Ghana nyuma y’igenda ry’uwari umutoza wayo Avram Grant. (...)

Rafael Benitez nawe ari mu bashobora gusimbura Arsene Wenger
Rafael Benitez nawe ari mu bashobora gusimbura Arsene Wenger

Nyuma y’amakuru yagiye ahagaraga ko umutoza wa Arsenal, Arsene Wenger ashobora kuva muri iyi kipe hatangajwe abatoza bashobora kumusimbura barimo Massimiliano Allegri utoza Juventus mu (...)

Rayon Sports yatsinze, APR FC iranganya
Rayon Sports yatsinze, APR FC iranganya

Zanaco FC 0-0 APR FC, Al Wau Salaam 0-4 Rayon Sports Taliki 18-02-2017: APR FC-Zanaco FC (Amahoro-15h30) Taliki 19-02-2017: Rayon -Al Wau Salaam (Amahoro-15h30) Ikipe ya Rayon Sports yitwaye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.