Advertisement
 
 
 
 
 
 
 
 

Siporo | Siporo Mu Mahanga

CAN 2017: Amavubi arasabwa gutsinda Mozambique kugira ngo yizere itike   

  Yanditswe na Fidele Bugingo
 4 June

 
 

Uyu munsi : Amavubi-Mozambique, (Amahoro-15h30)
Ejo, taliki 05-06-2016: Mauritius-Ghana ( Anjalay-15h00)

Ikipe y’u Rwanda “Amavubi” uyu munsi taliki 04 Kamena 2016 ifite umukino igomba gukina na Mozambique mu rwego rwo gushaka itike ya CAN 2017 izabera muri Gabon.

Aya makipe yombi ari mu itsinda H, ikipe y’u Rwanda iracyafite amahirwe menshi yo kubona itike igihe yaba ibashije gutsinda Mozambique kuko ubu Amavubi afite amanota 6 mu gihe Mozambique ifite inota 1 gusa.

JPEG - 101.3 kb
Mu mukino ubanza, Amavubi yatsindiye Mozambique iwayo igitego 1-0

Umutoza w’Amavubi, McKinstry atangaza ko biteguye uyu mukino kandi bafite intego yo kuwutsinda kuko yaba ari andi mahirwe yo kubona itike yo kwitabira CAN 2017.

Mu mukino wahuje aya makipe muri Mozambique, Amavubi yatsinze igitego 1-0 ukaba wari n’umunsi wa mbere w’iyi mikino mu itsinda H. Sugira Ernest watsinze igitego ashobora kutagarara kuri uyu mukino nyuma yo kugira imvune.

Umutoza wa Mozambique, Abel Luís da Silva Costa Xavier, wafashe iyi kipe nyuma y’umukino batsinzwe n’Amavubi muri Kamena 2015, nyuma y’imyitozo ibanzirira iya nyuma ngo bakine n’Amavubi, yatangaje ko biteguye guhangana bagatsinda uyu mukino kandi ko bishoboka.

Uyu mutoza ukomoka muri Portugal, wakiniye Liverpool yo mu Bwongereza yatangaje ko akigera muri iyi kipe muri Gashyantare 2016 yahinduye byinshi birimo imyitozo n’ibindi.

Yakomeje avuga ko bazi neza ko ikipe y’u Rwanda ikomeye kandi ifite amahirwe yo kuba yabona itike.

Ati “ Twebwe nta tike duharanira ariko turifuza guharanira ishema ry’igihugu, turizera ko tuza kwerekana umukino mwiza kandi ushimishije”.

Amavubi naramuka abonye intsinzi bitewe n’uko imikino mu yandi matsinda iza kurangira ndetse n’indi iteganyijwe, ashobora kuza mu makipe ari imbere mu yatsinzwe ariko yitwaye neza kuko hazazamuka amakipe abiri nyuma yo kuzamuka kwa buri kipe iyoboye itsinda.

Kugeza ubu Ghana niyo iyoboye itsinda H n’amanota 10, ikaba ejo izakina na Mauritius aho mu mukino ubanza Ghana yari yayitsinze ibitego 7-1, ku mwanya wa kabiri hari u Rwanda n’amanota 6 hamwe na Mauritius ifite amanota 6, Mozambique ikaza inyuma n’inota 1.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Mourinho arasabirwa  guhagarikwa imikino 6
Mourinho arasabirwa guhagarikwa imikino 6

Umutoza w’ikipe ya Manchester United, Jose Mourinho nyuma yo guhabwa ikarita itukura akoherezwa mu bafana ku mukino iyi kipe yanganyije na West Ham United igitego 1-1 taliki 27 Ugushyingo 2016 (...)

Christiano Ronaldo yahawe igihembo cy’umukinnyi witwaye neza
Christiano Ronaldo yahawe igihembo cy’umukinnyi witwaye neza

Christiano Ronaldo yahawe igihembo cyitiriwe Alfredo di Stefano nk’ umukinnyi witwa neza mu mwaka w’imikino wa 2015 na 2016, nyuma y’amasezerano y’imyaka itanu yari amaze gusinya mu ikipe ye ya (...)

Uko Abanyarwanda bakina ruhago mu mahanga bitwaye mu mpera z’icyumweru
Uko Abanyarwanda bakina ruhago mu mahanga bitwaye mu mpera z’icyumweru

Impera z’icyumweru dusoje zahiriye bamwe mu bakinnyi b’abanyarwanda bakina hanze naho abandi ntibyabagendekera neza. Muri shampiyona ya Kenya, ku cyumweru Gor Mahia ibifashijwemo na Jacques (...)

Renato Sanches ni we mukinnyi witwaye neza ukiri muto ku mugabane w’u Burayi
Renato Sanches ni we mukinnyi witwaye neza ukiri muto ku mugabane w’u Burayi

Umukinnyi w’ikipe y’igihugu ya Portugal n’ikipe ya Bayern Munich mu Budage, Renato Sanches, w’imyaka 19 y’amavuko ni we wahawe igihembo cy’umukinnyi witwaye neza akiri muto “Golden Boy Award” muri uyu (...)

CAN 2017: Umutoza Micho wisanze mu itsinda rikomeye, aratabaza Leta ya Uganda
CAN 2017: Umutoza Micho wisanze mu itsinda rikomeye, aratabaza Leta ya Uganda

Micho Sredojević, umunya Serbia, utoza ikipe y’igihugu ya Uganda arasaba Leta ya Uganda kumufasha agatangira hakiri kare imyiteguro y’igikombe cy’Afurika CAN 2017 kizabera muri Gabon mu mwaka utaha. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.