Advertisement
 
 
 
 
 
 
 
 

Siporo | Siporo Mu Mahanga

Byinshi ku mashimwe n’ amafaranga bihabwa abatwara imidali mu mikino Olempike   

  Yanditswe na BIZIMANA ERIC
 3 months ago

 
 

Guhesha ishema igihugu cyawe bishobora kukuviramo gusezerera ubukene mu buzima bwawe, cyane cyane nk’iyo utwaye umudali wo mu mikino Olempike duhereye no kuri iyi irimo kubera i Rio muri Brazil.

Televiziyo ya “Foxsports” ivuga ko ubusanzwe umudali wa Zahabu ufite agaciro k’amadolari 600 ya Amerika ni ukuvuga ibihumbi 470 by’amafaranga y’u Rwanda.

Umudali w’Umuringa (Silver) ufite agaciro k’ amadolari 325 y’amerika ni ukuvuga ibihumbi 258 by’amafaranga y’u Rwanda, naho uwa Bronze ukagira amadolari atatu y’amerika ni ukuvuga ibumbi 2 na magatanu y’u Rwanda.

Aha ariko, ubushobozi bw’igihugu ni bwo bugira uruhare mu kwerekana amafaranga ahabwa uwatwaye umudali kuko igihugu gishobora kwiyongereraho ayacyo.

Nko muri Leta Zunze Ubumwe z’Amerika, utwaye umudali wa Zahabu ahabwa ibihumbi 25 ni ukuvuga miliyoni 19,5 z’amafaranga y’u Rwanda, utwaye Umuringa akabona ibihumbi 15 by’amadolari naho utwaye Bronze akabona ibihumbi 10.

JPEG - 235.2 kb
Uretse kwishimira intsinzi, hari abegukana umudali bakanishimira ko nibagera iwabo bazahabwa agatubutse

Komite Olempike ya Canada ihereza umukinni wayo watwaye umudali wa Zahabu ibihumbi 20 by’amadolari, uwatwaye umuringa akabona 15 naho Bronze akabona ibihumbi 10.

Mu bufatanye na Adidas, umudali wa Zahabu mu mikino Olempike muri Australia ufite agaciro k’ibihumbi 20 by’Amadolari y’Amerika, umuringa ni ibihumbi 13 naho uwa Bronze ni ibihumbi 10.

Umudali wa Zahabu muri Aziya uvuze gusezera ku bukene

Umunya Singapore utwaye umudali wa Zahabu abona miliyoni y’amadolari ya singapore ni ukuvuga ibihumbi 750 by’amadorali ya Amerika ahwanye na miliyoni 590 z’amafaranga y’u Rwanda uwa kabiri agahabwa ibihumbi 490 by’Amadolari.

Habazwe mu madolari ya Amerika, muri rusange ibihugu biri imbere mu gutanga menshi ni Singapore ($983,000), Indonesia ($500,000), Azerbaijan ($333,000), Kazakhstan ($300,000), Italy ($242,000), France ($86,000), Russia ($80,000), South Africa ($47,000), USA ($33,000), Germany ($26,000), Canada ($20,000), Australia ($20,000), Papua New Guinea ($8,400) na Trinidad & Tobago ($1,000-$4,000).

Foxsports ivuga ko gutwara umudali wa zahabu uri umunya Phillipines na Thailand ubona amafaranga ahwanye n’umushahara wakabaye ukorera mu myaka 20. Hari kandi aho birenga amafaranga.

Nko muri Koreya y’Epfo aho ucika ku kujya ku irondo ukanasonerwa ibikorwa n’inshigano zawe nko kugira uruhare mu bikorwa by’umutekano no kujya mu gisirikare.

Mu Budage utwaye umudali wa Zahabu yemererwa kujya azanirwa byeri kuva atwaye umudali kugeza yitabye Imana kandi akihitiramo ubwoko. Utwaye umudali uri uwo muri Belarus aba yemerewe kujya ahabwa sosiso kugeza ashizemo umwuka.

Hari n’abatagira icyo batanga

U Bwongereza, Norway, Sweden na Croatia ntibishyiraho intego ku bantu bagiye mu mikino Olempike. Bivuze ko ubaye uwa gatatu atahana amadolari 3.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Mourinho arasabirwa  guhagarikwa imikino 6
Mourinho arasabirwa guhagarikwa imikino 6

Umutoza w’ikipe ya Manchester United, Jose Mourinho nyuma yo guhabwa ikarita itukura akoherezwa mu bafana ku mukino iyi kipe yanganyije na West Ham United igitego 1-1 taliki 27 Ugushyingo 2016 (...)

Christiano Ronaldo yahawe igihembo cy’umukinnyi witwaye neza
Christiano Ronaldo yahawe igihembo cy’umukinnyi witwaye neza

Christiano Ronaldo yahawe igihembo cyitiriwe Alfredo di Stefano nk’ umukinnyi witwa neza mu mwaka w’imikino wa 2015 na 2016, nyuma y’amasezerano y’imyaka itanu yari amaze gusinya mu ikipe ye ya (...)

Uko Abanyarwanda bakina ruhago mu mahanga bitwaye mu mpera z’icyumweru
Uko Abanyarwanda bakina ruhago mu mahanga bitwaye mu mpera z’icyumweru

Impera z’icyumweru dusoje zahiriye bamwe mu bakinnyi b’abanyarwanda bakina hanze naho abandi ntibyabagendekera neza. Muri shampiyona ya Kenya, ku cyumweru Gor Mahia ibifashijwemo na Jacques (...)

Renato Sanches ni we mukinnyi witwaye neza ukiri muto ku mugabane w’u Burayi
Renato Sanches ni we mukinnyi witwaye neza ukiri muto ku mugabane w’u Burayi

Umukinnyi w’ikipe y’igihugu ya Portugal n’ikipe ya Bayern Munich mu Budage, Renato Sanches, w’imyaka 19 y’amavuko ni we wahawe igihembo cy’umukinnyi witwaye neza akiri muto “Golden Boy Award” muri uyu (...)

CAN 2017: Umutoza Micho wisanze mu itsinda rikomeye, aratabaza Leta ya Uganda
CAN 2017: Umutoza Micho wisanze mu itsinda rikomeye, aratabaza Leta ya Uganda

Micho Sredojević, umunya Serbia, utoza ikipe y’igihugu ya Uganda arasaba Leta ya Uganda kumufasha agatangira hakiri kare imyiteguro y’igikombe cy’Afurika CAN 2017 kizabera muri Gabon mu mwaka utaha. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.