Advertisement
 
 
 
 
 
 
 
 

Siporo | Siporo Mu Mahanga

Basketball : Kobe Bryant yahagaritse gukina atsinda amanota 60   

  Yanditswe na NKOMEJE GUILLAUME
 April 2016

 
 

Igihangange mu mukino wa Basketball, Kobe Bryant yahagaritse gukina uyu mukino atsinda amanota 60 mu mukino wa nyuma akinira Los Angeles Lakers, ikaba yaje gutsinda Utah Jazz amanota 101-96.

Kobe Bryant uzwi ku izina rya « Black Mamba » akaba ahagaritse gukina umukino wa Basketball nyuma y’imyaka igera kuri 20 akina nk’umukinnyi wabigize umwuga muri shampiyona y’umukino wa Basketball muri Amerika « NBA ».

Nyuma y’umukino yatangaje ko atiyumvisha ukuntu imyaka 20 yaba ishize, yashimiye abakinnyi bagenzi bakinanye n’abafana b’ikipe ya Los Angeles Lakers bamubaye inyuma muri iki gihe cyose amaze akina.

Ati " Icyo nakora ni ukubashimira cyane mbikuye ku mutima igihe cyose mwambaye hafi. Mwaranshyigikiye, ibyo nagezeho byose ni mwebwe mbikesha".

JPEG - 100.4 kb
Kobe Bryant ubwo yasezeraga abakunzi ba Los Angeles Lakers n’aba Basketball muri rusange nk’usezeye gukina uyu mukino

Uyu mukino wari witabiriwe n’ibihangnge bitandukanye byakanyujijeho muri NBA barimo Shaquille O’neil, na Magic Johnson. Hari kandi n’ibyamamare birimo Umuraperi Jay-Z, David Beckham wabaye kapiteni w’ikipe y’igihugu y’u Bwongereza na Jack Nicholson umukinnyi w’amafilimi muri « Hollywood ».

Kobe Bryant afite agahigo ko kumara igihe kinini mu ikipe imwe ariyo Los Angeles Lakers kuko yayigezemo 1996 akaba ahagaritse gukina muri uyu mwaka 2016.

Ku myaka 37, Kobe Bryant yahamagawe inshuro 18 mu mukino wa “All Stars Game ». Mu myaka 20 yaramaze muri Los Angeles Lakers yayifashije kwegukana ibikombe 5 bya NBA, yahawe igihembo cy’umukinnyi mwiza « MVP » muri 2008.

 

Comments

 
 
Muhitira ‘Magare’ yabonye ikipe nshya mu Butaliyani
Muhitira ‘Magare’ yabonye ikipe nshya mu Butaliyani

Muhitira Felicien bakunze kwita “Magare”, umunyarwanda ukina umukino wo gusiganwa ku maguru nk’uwabigize umwuga mu gihugu cy’u Butaliyani yamaze kubona ikipe nshya agiye gusinyira amasezerano (...)

Real Madrid yatomboye kuzahura na Bayern Munich muri ¼
Real Madrid yatomboye kuzahura na Bayern Munich muri ¼

Ikipe ya Real Madrid yo muri Espagne yatomboye kuzahura na Bayern Munich yo mu Budage mu mikino ya ¼ cy’irangiza cy’amakipe yabaye aya mbere ku mugabane w’u Burayi “UEFA Champions League”. Ni nyuma (...)

Marcel Desailly  ashobora  kuba umutoza wa Ghana
Marcel Desailly ashobora kuba umutoza wa Ghana

Marcel David Desailly , ukomoka muri Ghana akaba ariko yarakiniye ikipe y’igihugu y’u Bufaransa ashobora kuba umutoza w’ikipe y’igihugu ya Ghana nyuma y’igenda ry’uwari umutoza wayo Avram Grant. (...)

Rafael Benitez nawe ari mu bashobora gusimbura Arsene Wenger
Rafael Benitez nawe ari mu bashobora gusimbura Arsene Wenger

Nyuma y’amakuru yagiye ahagaraga ko umutoza wa Arsenal, Arsene Wenger ashobora kuva muri iyi kipe hatangajwe abatoza bashobora kumusimbura barimo Massimiliano Allegri utoza Juventus mu (...)

Rayon Sports yatsinze, APR FC iranganya
Rayon Sports yatsinze, APR FC iranganya

Zanaco FC 0-0 APR FC, Al Wau Salaam 0-4 Rayon Sports Taliki 18-02-2017: APR FC-Zanaco FC (Amahoro-15h30) Taliki 19-02-2017: Rayon -Al Wau Salaam (Amahoro-15h30) Ikipe ya Rayon Sports yitwaye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.