Advertisement
 
 
 
 
 
 
 
 

Siporo | Siporo Mu Mahanga

APR FC yatsinze Mukura ifata umwanya wa mbere, Police iratungurwa   

  Yanditswe na BIZIMANA Eric
 April 2016

 
 

Ikipe ya APR FC yatsinze Mukura Vs ibitego 2-1 ihita ifata umwanya wa mbere ku rutonde rwa shampiyona n’amanota 37.

Ibitego bya APR FC byaje byishyura igitego cya Ngama Emmanuel watsinze igitego ku munota wa 30 , ku burangare bwa myugariro Bayisenge Emery na Nshutinamagara Ismail.

Iranzi Jean Claude yaje gutsinda igitego cyo kwishyura ku munota wa 48 w’umukino, ku ishoti ryavuye kwa Rutanga Eric awuteye ukubita umutambiko, uhura na Iranzi wateye ishoti rikomeye umunyezamu Mazimpaka ntiyamenya aho uciye.

JPEG - 138.6 kb
Abakinnyi ba APR FC bishimira umwanya wa mbere nyuma yo gutsinda Mukura, (Foto Bugingo F.)

Ku munota wa 77, Nkizingabo Fiston yabonye igitego cy’intsinzi ku burangare bwa ba myugariro ba Mukura VS batekereje ko Issa Bigirimana yaraririye barihagarira bareka Nkizingabo atsinda igitego.
Ikipe ya APR FC yihagazeho iminota y’umukino irangira itsinze uyu mukino yegukana amanota 3.

Umutoza wa Mukura, Okoko waherukaga gutsindwa na Police FC yari yahisemo kwicaza Hakizimana Muhadjiri na Habimana Yussuf aha umwanya Ngama Emmanuel wanatsinze igitego.

Uyu mutoza yaje gukora impinduka avanamo Niyonzima Ally na Ngama Emmanuel, yinjizamo Habimana Yussuf na Hakizimana Muhadjiri waje kongera gusimburwa nyuma y’iminota 12 gusa.

Nyuma yo kubona amanota 3, umutoza wungirije wa APR FC, Rubona Emmanuel yavuze ko bishimiye intsinzi. Avuga ko bari bafite intego yo gutsinda Mukura kuko umukino ubanza Mukura yari yabatsinze.

Umutoza wa Mukura, Okoko yatangaje ko umusifuzi atababaniye kuko hari ahantu abakinnyi ba APR FC bakoreye abakinnyi be amakosa akabyirengagiza.

Hari indi mikino yabaye

Undi mukino wari utegerejwe, ikipe ya Rayon Sports yanganyije na AS Kigali 1-1 kuri Sitade ya Kigali, igitego cya Rayon Sports cyatsinzwe na Manzi Thierry ku munota wa 17, Sugira yishyura iki gitego ku munota wa 42.

Mu yindi mikino yabaye ikipe Police yatunguwe itsindwa na Bugesera FC ibitego 2-0, Etincelles ikomeza urugendo rwo kuva mu murongo utukura itsinze Rwamagana ibitego 2-0, Musanze inganya na Gicumbi 1-1 mu rugo naho Sunrise inganya Marines 0-0.

Nyuma y’umunsi wa 17, APR FC ni yo yahise iyobora urutonde n’amanota 37, Rayon Sports iba iya kabiri n’amanota 36, Mukura iguma ku mwanya wa gatatu n’amanota 32, Police FC ku mwanya 4 n’amanota 31 naho AS Kigali ku mwanya wa 5 n’amanota 30.

 

Comments

Izina Ryanyu
IGITEKEREZO

 
 
Abakinnyi  57  mu bazitabira CAN 2017 basanzwe bakina mu Bufaransa
Abakinnyi 57 mu bazitabira CAN 2017 basanzwe bakina mu Bufaransa

Abakinnyi 57 bari ku rutonde rw’abakinnyi bagera kuri 368 b’amakipe y’ibihugu 16 bizakina imikino ya CAN 2017, izatangira ejo taliki 14 Mutarama igasozwa taliki 05 Gashyantare 2017, bose bakina (...)

Manchester United irifuza abakinnyi babiri ba Tottenham
Manchester United irifuza abakinnyi babiri ba Tottenham

Ikipe ya Manchester United irifuza gusinyisha abakinnyi Danny Rose na Kayle Walker basanzwe bakina mu bwugarizi bwa Totteham Hotspurs . Ikinyamakuru “The Sun” cyatangaje ko umutoza wa (...)

Perezida wa CAF, Issa Hayatou, yahamagajwe mu rukiko kubera ruswa
Perezida wa CAF, Issa Hayatou, yahamagajwe mu rukiko kubera ruswa

Ubuyobozi bwo mu Misiri amarushanwa bwemeje ko bugiye gukurikirana perezida w’Impuzamashyirahamwe y’umupira w’amaguru muri Afurika “CAF”, Dr Issa Hayatou ukekwaho ruswa. Ubu buyobozi bwagaragaje ko (...)

Ruhango:Umushinga wari umaze imyaka 10 ufasha abatishoboye wahagaritse ibikorwa byawo
Ruhango:Umushinga wari umaze imyaka 10 ufasha abatishoboye wahagaritse ibikorwa byawo

Umushinga w’Abanyamerika ushinzwe kurwanya inzara, utangaza ko wahagaritse bimwe mu bikorwa byo kwita ku baturage batishoboye bo mu murenge wa Mbuye mu karere ka Ruhango. Hari hashize imyaka 10 (...)

Imvururu z’abamagana Kabila zatumye Shampiyona ya Congo iba ihagaritswe
Imvururu z’abamagana Kabila zatumye Shampiyona ya Congo iba ihagaritswe

Minisitiri w’imikino muri Republika Iharanira Demokarasi ya Congo yafashe icyemezo cyo guhagarika shampiyona y’icyiciro cya mbere kuva kuri uyu wa kane taliki 15 Ukuboza 2016 kuzageza taliki14 (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.