Advertisement
 
 
 
 
 
 
 
 

Siporo | Siporo Mu Mahanga

Antonio Conte yagizwe umutoza mukuru wa Chelsea   

  Yanditswe na NKOMEJE GUILLAUME
 4 April

 
 

Antonio Conte ukomoka mu gihugu cy’u Butaliyani yagizwe umutoza Mukuru w’ikipe ya Chelsea akaba yahawe amasezerano y’imyaka itatu.

Uyu mutoza azagera muri iyi kipe nyuma yo gutoza ikipe y’igihugu y’u Butaliyani mu mikino ya nyuma y’igikombe cy’u Burayi “Euro 2016” izabera mu Bufaransa kuva taliki 10 Kamena kugeza 10 Nyakanga 2016.

BBC ivuga ko Antonio Conte yasabwe kubaka ikipe ya Chelsea ikongera gukomera ikaba nka Chelsea yatwaye igikombe cya shampiyona umwaka ushize.

JPEG - 17.1 kb
Antonio Conte, umutoza mushya w’ikipe ya Chelsea

Umuyobozi w’ikipe ya Chelsea, Marina Granovskaia yatangaje ko bishimiye gusinyisha umwe mu batoza bageze kuri byinshi kandi bafite izina rikomeye mu mupira w’amaguru mu rwego rw’isi.

Yagize ati “Ni iby’agaciro gakomeye kugira Antonio Conte nk’umutoza mukuru wa Chelsea. Tubikoze mbere y’uko shampiyona y’uyu mwaka igana ku musozo ko bizadufasha muri gahunda dufite mu gihe kiri imbere”.

Ku myaka 46, Antonio Conte ni umutaliyani wa 5 ugiye gutoza ikipe ya Chelsea nyuma ya Gianluca Vialli, Claudio Ranieri, Carlo Ancelotti na Roberto di Matteo. Conte yatoje kandi amakipe atandukanye arimo Arezzo, Bari, Atalanta na Siena mbere y’uko yerekeza muri Juventus aho yayifashije kwegukana shampiyona y’u Butaliyani “Serie A” muri 2011.

Chelsea muri iki gihe ikaba iri gutozwa na Guus Hiddink kugeza mu mpera z’iyi shampiyona isigaje imikino 7 ngo irangire, akaba yarayigezemo asimbuye umutoza Jose Mourihno wirukanwe muri iyi kipe nyuma y’umusaruro utari mwiza.

 

Comments

Who are you?
Your post
  • To create paragraphs, just leave blank lines.

 
 
Mourinho arasabirwa  guhagarikwa imikino 6
Mourinho arasabirwa guhagarikwa imikino 6

Umutoza w’ikipe ya Manchester United, Jose Mourinho nyuma yo guhabwa ikarita itukura akoherezwa mu bafana ku mukino iyi kipe yanganyije na West Ham United igitego 1-1 taliki 27 Ugushyingo 2016 (...)

Christiano Ronaldo yahawe igihembo cy’umukinnyi witwaye neza
Christiano Ronaldo yahawe igihembo cy’umukinnyi witwaye neza

Christiano Ronaldo yahawe igihembo cyitiriwe Alfredo di Stefano nk’ umukinnyi witwa neza mu mwaka w’imikino wa 2015 na 2016, nyuma y’amasezerano y’imyaka itanu yari amaze gusinya mu ikipe ye ya (...)

Uko Abanyarwanda bakina ruhago mu mahanga bitwaye mu mpera z’icyumweru
Uko Abanyarwanda bakina ruhago mu mahanga bitwaye mu mpera z’icyumweru

Impera z’icyumweru dusoje zahiriye bamwe mu bakinnyi b’abanyarwanda bakina hanze naho abandi ntibyabagendekera neza. Muri shampiyona ya Kenya, ku cyumweru Gor Mahia ibifashijwemo na Jacques (...)

Renato Sanches ni we mukinnyi witwaye neza ukiri muto ku mugabane w’u Burayi
Renato Sanches ni we mukinnyi witwaye neza ukiri muto ku mugabane w’u Burayi

Umukinnyi w’ikipe y’igihugu ya Portugal n’ikipe ya Bayern Munich mu Budage, Renato Sanches, w’imyaka 19 y’amavuko ni we wahawe igihembo cy’umukinnyi witwaye neza akiri muto “Golden Boy Award” muri uyu (...)

CAN 2017: Umutoza Micho wisanze mu itsinda rikomeye, aratabaza Leta ya Uganda
CAN 2017: Umutoza Micho wisanze mu itsinda rikomeye, aratabaza Leta ya Uganda

Micho Sredojević, umunya Serbia, utoza ikipe y’igihugu ya Uganda arasaba Leta ya Uganda kumufasha agatangira hakiri kare imyiteguro y’igikombe cy’Afurika CAN 2017 kizabera muri Gabon mu mwaka utaha. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.