Advertisement
 
 
 
 
 
 
 
 

Siporo | Siporo Mu Mahanga

AFC Leopards yareze Ismaila Diarra muri FIFA   

  Yanditswe na BIZIMANA Eric
 August 2016

 
 

Ikipe ya AFC Leopards yo muri Kenya yamaze kurega mu ishyirahamwe ry’umupira w’amaguru ku isi “FIFA” Ismaila Diarra rutahizamu w’umunya Mali uheruka gusinya amasezerano mashya muri Rayon Sports.

AFC Leopards irarega Diarra gukora ibinyuranyije n’amategeko asinyira amakipe abiri ariyo Rayon Sports na AFC Leopards nk’uko byatangajwe na Dan Mule, umuyobozi mukuru wa AFC Leopards mu kiganiro yagiranye n’ikinyamakuru “Futaa.com” dukesha aya makuru.

Mule yagize ati “Ikibazo twakigejeje muri FIFA. Habayemo gusinyira amakipe abiri, kandi bihanwa n’amategeko. Dufite ibaruwa y’amasezerano twasinyiwe na Diarra, kandi we na Rayon Sports bari bazi neza ko ahari. Nk’ikipe dufite inshingano zo kurengera inyungu zacu, twizeye ko FIFA iza kubikoraho".

JPEG - 148 kb
Ismaila Diarra (Foto Gentil)

Mule yavuze ariko ko uruhande rwabo rwiteguye gukemura iki kibazo mu nzira z’ibiganiro mu gihe Rayon Sports yaba ibyemeye.

Ati "Niba Rayon Sports na Diarra biteguye gukemura ikibazo bitanyuze mu manza, bashobora kutuvugisha, tukaganira".

Ubuyobozi bwa Rayon Sports bwo bwaherukaga gutangariza Imvaho Nshya ko nta mpungenge butewe n’ikirego cya AFC Leopards muri FIFA.

Gakwaya Olivier, umunyamabanga mukuru n’umuvugizi wa Rayon Sports yari yasobanuye ko Diarra yasinye imbanzirizamasezerano yari gufasha AFC Leopards gutangira inzira zo gusaba ibyangombwa bya Diarra mu Rwanda nyuma umukinnyi arisubira atarasinya amasezerano ya burundu.

Gakwaya yari yagize ati ’’Ukuri ni uko yabasinyiye imbanzirizamasezerano (Pre contract) nyuma umukinnyi ntiyifuza kujyayo. We n’umuhagarariye batubwiye ko ibyo bari bumvikanye na Leopards itabyubahirije, ubwo rero yifuje kuguma muri Rayon Sports, icyo twakoze ni uko impapuro zo gusabiraho umukinnnyi twazitesheje agaciro muri Systeme, kandi byari byakorewe ku mbanzirizamasezerano".

Diarra yageze muri Rayon Sports muri Gashantare 2016 asinya amasezerano y’amezi 6, yabashije kwitara neza n’ubwo yasanze shampiyona igeze hagati yafashije Rayon Sports kwegukana igikombe cy’Amahoro ndetse anafasha iyi kipe kuza ku mwanya wa 2 muri shampiyona.

 

Comments

 
 
Marcel Desailly  ashobora  kuba umutoza wa Ghana
Marcel Desailly ashobora kuba umutoza wa Ghana

Marcel David Desailly , ukomoka muri Ghana akaba ariko yarakiniye ikipe y’igihugu y’u Bufaransa ashobora kuba umutoza w’ikipe y’igihugu ya Ghana nyuma y’igenda ry’uwari umutoza wayo Avram Grant. (...)

Rafael Benitez nawe ari mu bashobora gusimbura Arsene Wenger
Rafael Benitez nawe ari mu bashobora gusimbura Arsene Wenger

Nyuma y’amakuru yagiye ahagaraga ko umutoza wa Arsenal, Arsene Wenger ashobora kuva muri iyi kipe hatangajwe abatoza bashobora kumusimbura barimo Massimiliano Allegri utoza Juventus mu (...)

Rayon Sports yatsinze, APR FC iranganya
Rayon Sports yatsinze, APR FC iranganya

Zanaco FC 0-0 APR FC, Al Wau Salaam 0-4 Rayon Sports Taliki 18-02-2017: APR FC-Zanaco FC (Amahoro-15h30) Taliki 19-02-2017: Rayon -Al Wau Salaam (Amahoro-15h30) Ikipe ya Rayon Sports yitwaye (...)

Sergio Aguero ashobora kwerekeza muri Real Madrid
Sergio Aguero ashobora kwerekeza muri Real Madrid

Umukinnyi ukinira ikipe ya Manchester City mu Bwongereza ukomoka muri Argentine, Sergio Aguero biravugwa ko ubwo umwaka w’imikino wa 2016-2017 uzaba urangiye ashobora kwerekeza mu ikipe ya Real (...)

Dimension Data yagaragaje icyo yiteze kuri Mugisha na Areruya
Dimension Data yagaragaje icyo yiteze kuri Mugisha na Areruya

Ubuyobozi bw’ikipe ya Dimension Data for Qhubeka burizera ko abakinnyi batandatu bakiri bato b’abanyafurika berekeje mu ikipe ya kabiri yayo bazavamo ibihangange bizitwara neza mu marushanwa y’i (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.