Advertisement
 
 
 
 
 
 
 
 

Siporo | Siporo Mu Mahanga

AFC Leopards yabonye usimbura Diarra wari wayiteranyije na Rayon Sports   

  Yanditswe na BIZIMANA ERIC
 3 months ago

 
 

Ikipe ya AFC Leopards yo mu gihugu cya Kenya yarangije kugura rutahizamu wo gusimbura Ismaila Diarra, Umunyamali wari wabasinyiye amasezerano nyuma ntayerekezemo akigumira muri Rayon Sports.

Uwo ni Gilbert Fiamenyo, umunya Ghana w’imyaka 23 yasinye amasezerano y’imyaka ibiri muri iyi kipe bakunze kwita ’’ Ingwe’’ avuye mu ikipe y’iwabo ya Ebusua Dwarfs, akazagera muri Kenya kuri uyu wa Gatanu taliki 12 Kanama 2016 nk’uko bivugwa n’imbuga nkoranyambaga za ’’Facebook” na “Twitter’’ za AFC Leopards.

Ibitangazamakuru byo muri Ghana byo bitangaza ko uyu mukinnyi yaje muri AFC Leopards, nyuma y’ibibazo by’ubukungu byabarizwaga muri Ebusua Dwarfs yakiniraga bigatuma agenda adasoje amasezerano.

JPEG - 118.7 kb
Gilbert Fiamenyo ni we wasimbuye Diarra muri Ingwe FC

Aganira n’ibi bitangazamakuru, uyu mukinnyi yavuze ko ’’Igihe cyari kigeze kugira ngo ave iwabo ajye kugerageza amahirwe mu bindi bihugu, kandi akaba yarahisemo neza ajya muri shampiyona ya Kenya cyane ko igaragara kuri televiziyo igaragara mu bice byinshi by’Afurika “Supersport”.

Urubuga Futaa rwo ruvuga ko abayobozi ba AFC Leopards bafashe iki cyemezo nyuma yo kubona ko rutahizamu bari bifuje Ismaila Diarra w’umunyamali yahisemo kuguma muri Rayon Sports atitaye ku kuba yarabasinyiye imbanzirizamasezerano aho AFC Leopards yahise ijyana ikirego muri FIFA ariko bikaba bishobora kurangira iki kirego ntacyo gitanze.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Mourinho arasabirwa  guhagarikwa imikino 6
Mourinho arasabirwa guhagarikwa imikino 6

Umutoza w’ikipe ya Manchester United, Jose Mourinho nyuma yo guhabwa ikarita itukura akoherezwa mu bafana ku mukino iyi kipe yanganyije na West Ham United igitego 1-1 taliki 27 Ugushyingo 2016 (...)

Christiano Ronaldo yahawe igihembo cy’umukinnyi witwaye neza
Christiano Ronaldo yahawe igihembo cy’umukinnyi witwaye neza

Christiano Ronaldo yahawe igihembo cyitiriwe Alfredo di Stefano nk’ umukinnyi witwa neza mu mwaka w’imikino wa 2015 na 2016, nyuma y’amasezerano y’imyaka itanu yari amaze gusinya mu ikipe ye ya (...)

Uko Abanyarwanda bakina ruhago mu mahanga bitwaye mu mpera z’icyumweru
Uko Abanyarwanda bakina ruhago mu mahanga bitwaye mu mpera z’icyumweru

Impera z’icyumweru dusoje zahiriye bamwe mu bakinnyi b’abanyarwanda bakina hanze naho abandi ntibyabagendekera neza. Muri shampiyona ya Kenya, ku cyumweru Gor Mahia ibifashijwemo na Jacques (...)

Renato Sanches ni we mukinnyi witwaye neza ukiri muto ku mugabane w’u Burayi
Renato Sanches ni we mukinnyi witwaye neza ukiri muto ku mugabane w’u Burayi

Umukinnyi w’ikipe y’igihugu ya Portugal n’ikipe ya Bayern Munich mu Budage, Renato Sanches, w’imyaka 19 y’amavuko ni we wahawe igihembo cy’umukinnyi witwaye neza akiri muto “Golden Boy Award” muri uyu (...)

CAN 2017: Umutoza Micho wisanze mu itsinda rikomeye, aratabaza Leta ya Uganda
CAN 2017: Umutoza Micho wisanze mu itsinda rikomeye, aratabaza Leta ya Uganda

Micho Sredojević, umunya Serbia, utoza ikipe y’igihugu ya Uganda arasaba Leta ya Uganda kumufasha agatangira hakiri kare imyiteguro y’igikombe cy’Afurika CAN 2017 kizabera muri Gabon mu mwaka utaha. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.