2017-08-21 15:16:56 clouds 27o High | Kigali Rwanda

Dukurikire:
 
 

Adebayor yagarutse mu ikipe y’igihugu ya Togo

Yanditswe na IMVAHO NSHYA

Kuya 2016-03-30 13:10:19

 
Share on:
 
Yasuwe:1
 
Yavuzweho:200
 
10
 
10

Emmanuel Adebayor yagarutse mu ikipe y’igihugu ya Togo nyuma y’umwaka umwe yaranze kuyikinira kubera impamvu ze bwite.

Nk’uko bitangazwa n’umunyamabanga w’Ishyirahamwe ry’umupira w’amaguru muri Togo, Pierre Lamadokou, Adebayor yagarutse nyuma y’ibiganiro bagiranye ndetse akaba ari mu ikipe n’abandi bakinnyi.

Adebayor yakiniye bwa mbere Togo mu gikombe cy’isi cya 2006. Kuva icyo gihe yakomeje kuzengereza ishyirahamwe ry’umupira w’amaguru ku mpamvu zitumvikana rimwe na rimwe agakinira ikipe ubundi ntakine. Akunze kunengwa cyane ko ateza akajagari cyane mu ikipe y’igihugu

JPEG - 57 kb
Emmanuel-Adebayor

Aheruka guhagarika gukinira Togo muri Kamena 2015 ndetse yari yanze kuganira na Perezida w’ishyirahamwe ry’umupira w’amaguru muri Togo, Colonel Kossi Akpovy, yitwaza ko ashaka gushyira ingufu ku ikipe akinira yo mu Bwongereza Crystal Palace ndetse n’ibindi bibazo bye bwite birimo iby’umuryango we.

Adebayor ufite imyaka 32 y’amavuko, yagiye mu ikipe ya Crystal Palace muri Mutarama 2016, yari amaze igihe nta kipe afite nyuma yo kurekurwa na Tottenham Hotspur muri Nzeri 2015.Togo iri kumwe na Tunisia na Liberia. Adebayor yitezweho kubafasha gushaka itike yo kwerekeza muri Gabon muri 2017.

N’ubwo yemeye kugaruka mu ikipe ya Togo, nta cyizere gihari y’uko atazongera kwivumbura nk’uko asanzwe abikora kuva mu 2006.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE