Advertisement
 
 
 
 
 
 
 
 

Politiki | Mu Rwanda

Umwami wa Maroc yavuye mu Rwanda ajya kuruhukira muri Tanzania   

  Yanditswe na IMVAHO NSHYA
 1 month ago

 
 

Umwami wa Maroc, Mohammed VI yasoje uruzinduko yari yagiriye mu Rwanda, yerekeza muri Tanzania ku wa 23 Ukwakira 2016.

Minisitiri w’Ububanyi n’Amahanga wa Tanzania, Dr. Augustine Mahiga yabwiye abanyamakuru mu cyumweru gishize ko uruzinduko rw’umwami Mohammed VI muri icyo gihugu rwagombaga kurangira ku ya 25 Ukwakira ariko akaziyongeza indi minsi itanu kubera ari mu kiruhuko n’umuryango we.

Muri icyo kiruhuko azarambagira ahantu nyaburanga h’icyo gihugu harimo ikirwa cya Zanzibar aho azahura na perezida wacyo Ali Mohamed Shein.

JPEG - 106.1 kb
Perezida Kagame yaherekeje Mohammed VI

Uyu mwami muri izi nzinduko aherekejwe n’abantu basaga 150 barimo abayobozi muri guverinoma, abashoramari na bamwe mu bagize umuryango we.

Abadipolomate basaga ijana bari bamaze icyumweru muri Tanzania bafatanya n’abayobozi b’icyo gihugu kwakira umwami.

Muri Tanzania naho Mohammed na Perezida John Pombe Magufuli barayobora isinywa ry’amasezerano asaga 18 mu nzego zitandukanye.

Amasezerano ajyanye n’ishoramari bashyiraho umukono afite agaciro gasaga miliyari abyiri z’amadorali.

Minisitiri Dr Mahiga yanasobanuye ko kimwe mu bigenza umwami Mohammed VI ari ugushaka amaboko yo kugarura icyo gihugu mu muryango w’Ubumwe bwa Afurika, AU.

Avuye mu Rwanda hasinywe amasezerano asaga 20 arimo arebana n’ishoramari, ubufatanye mu bucuruzi n’izindi nzego nk’ubukerarugendo, dipolomasi, ubuvuzi, ingendo z’indege, ikoranabuhanga, ingufu n’ibindi.

Hari kandi banki ya Attijariwafa yaguze imigabane myinshi muri Cogebanque, uruganda rukora imiti, Cooper Pharma ruzubaka ishami ryarwo mu Rwanda; n’inzu ziciriritse 5000 zizubakwa ku bufatanye bwa Banki itsura amajyambere y’u Rwanda, BRD, na Sosiyete yo muri Maroc, Palmeraie Development Group.

Mohammed VI kandi assize u Rwanda na Maroc bifunguye ambasade mu bihugu byombi.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.