Advertisement
 
 
 
 
 
 
 
 

Politiki | Mu Rwanda

Umwami Mohammed VI yashimiye Perezida Kagame uburyo yakiriwe mu Rwanda   

  Yanditswe na IMVAHO NSHYA
 5 months ago

 
 

Umwami wa Maroc Mohammed VI yoherereje Perezida Paul Kagame ubutumwa bwo kumushimira uburyo yakiriwe mu ruzinduko yari amazemo iminsi mu Rwanda.

Ibiro Ntaramakuru bya Maroc bivuga ko muri ubwo butumwa umwami Mohammed yagize ati “ Mu gihe ndi gusohoka mu kirere cy’igihugu cyawe mvuye mu ruzinduko nahagiriye, reka mfate akanya nongere ngushimire byimazeyo uburyo mwatwakiriye mukaduha ikaze njye n’abari bamperekeje.

JPEG - 42.5 kb
Umwami Mohammed VI yishimiye uburyo yakiriwe mu Rwanda

Mohammed VI yanishimiye ibyavuye mu biganiro by’ibihugu byombi, avuga ko habayeho gusangira ibitekerezo ku bibazo bitandukanye bifitiye inyungu buri wese.

Ati “Nshimishijwe na none no kuba uruzinduko rwanjye rwaragize akamaro ku mubano uri hagati y’ibihugu byacu kuko amasezerano twashyizeho umukono mu nzego zitandukanye afite ireme.”

Umwami wa Maroc yanongeye gushimangira ubushake bwe mu gukorana na Perezida Kagame mu kuvugurura , gukomeza no guha umurongo uhamye ubufatanye bw’ibihugu bayoboye.

Yagize ati “Ibi bizatuma tugera ku ntego yo guha abaturage ibyo bakeneye, tukageza umugabane wa Afurika ku iterambere n’umutekano birambye.”

Umwami Mohammed VI avuye mu Rwanda hasinywe amasezerano asaga 20 arimo arebana n’ishoramari, ubufatanye mu bucuruzi n’izindi nzego nk’ubukerarugendo, dipolomasi, ubuvuzi, ingendo z’indege, ikoranabuhanga, ingufu n’ibindi.

Hari kandi banki ya Attijariwafa yaguze imigabane myinshi muri Cogebanque, uruganda rukora imiti, Cooper Pharma ruzubaka ishami ryarwo mu Rwanda; n’inzu ziciriritse 5000 zizubakwa ku bufatanye bwa Banki itsura amajyambere y’u Rwanda, BRD, na Sosiyete yo muri Maroc, Palmeraie Development Group.

 

Comments

 
 
 USA yatangiye kohereza intwaro hafi ya Koreya Ruguru
USA yatangiye kohereza intwaro hafi ya Koreya Ruguru

Leta Zunze Ubumwe za Amerika (USA) yatangiye kohereza bimwe mu bice bigize igitwaro gikumira ibisasu bya misile muri Koreya y’Epfo kuri uyu wa Kabiri; nyuma y’uko Koreya ya Ruguru yongeye gutera (...)

Angola: Perezida Dos Santos yatangaje umusimbura nyuma y’imyaka 37 ari ku butegetsi
Angola: Perezida Dos Santos yatangaje umusimbura nyuma y’imyaka 37 ari ku butegetsi

Perezida wa Angola, Eduardo dose Santos yatangaje kuri uyu wa Gatanu ko atazongera kwiyamamaza ashyiraho Minisitiri w’Ingabo nk’umukandida uzamusimbura. Dos Santos w’imyaka 74, yayoboye Angola (...)

Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.