Advertisement
 
 
 
 
 
 
 
 

Politiki | Mu Rwanda

Amasezerano ya Kigali yatumye biyemeza guhoza umutekano w’abasivili imbere   

  Yanditswe na NGABOYABAHIZI PROTAIS
 3 weeks ago

 
 

Abasirikare bakuru basoje amahugurwa mpuzamahanga ku masezerano ya Kigali biyemeje guhoza umutekano w’abasivili imbere, basaba ko Isi muri rusange ikwiye gusobanukirwa ko umutekano w’abasivili ari uw’ibanze mu butumwa bwo kubungabunga amahoro ku Isi.

Mu muhango wo gusoza amahugurwa mpuzamahanga ku mutekano w’abasivili Umugaba Mukuru w’Ingabo z’u Rwanda Gen Patrick Nyamvumba, yatanze ingero zinyuranye zagiye zigaragara ko aho abasirikare ba Loni bari ariko umutekano ntugerweho kuko akenshi aba basirikare batarwana ku basivili kubera impamvu nzinyuranye.

JPEG - 192.4 kb
Gen. Nyamvumba asanga umutekano w’abasivili ugomba kurindwa n’inzego zose hatarebwe kuri Loni gusa

Gen. Nyamvumba yagize ati: “ Birazwi ko abasivile, bagiye bibasirwa hirya no hino ku isi ingero nk’izi zagaragaye no ku mugabane w’Afurika mu bihugu byinshi byo byaranzwemo intambara n’andi makimbirane yibasiye abasivile. Ubushobozi buke, imikoranire mibi no gutabara mu buryo budahamye byagiye bigira ingaruka ku basivili b’inzirakarengane, kandi bigakorwa abagombye kubatabara bari hafi aho.”

Abitabiriye amahugurwa uko bagera kuri 36, baturutse mu bihugu 12 by’Afurika, u Buholandi na Leta Zunze Ubumwe z’Amerika, bose bemeza ko bungutse byinshi mu bijyanye n’igikenewe mu kurinda amahoro banashimira amasomo bigishijwe ajyanye n’amahame ku kurinda umutekano w’abasivili akubiye mu mirongo migari 18 (Kigali Principles), yashyiriweho i Kigali umukono muri Gicurasi 2015.

JPEG - 203.4 kb
Bamwe mu basirikare bakuru bitabiriye amahugurwa bakurikiye impanuro bahabwaga

Major Francis Ohola wo mu ngabo za Ghana yagize ati “Icy’ingenzi mu butumwa bw’amahoro ni ukurinda abasivili, aya mahame yashyiriweho umukono i Kigali, arabitwibutsa. Twumvise ko ku bijyanye n’umutekano wabo nta gushidikanya tugomba kubatabara. Abayobozi b’ingabo bakwiye kugira iyi gahunda nyambere.”

Aya mahame amaze gushyirwaho umukono n’ibihugu bisaga 40 aratanga icyizere gihamye mu bijyanye no kurinda abasivili kurusha uko byari bisanzwe.

Ibihugu byasinye mbere kuri aya amasezerano ya Kigali ni ibitanga umubare munini w’ingabo mu butumwa bwa Loni, birimo nka Ethiopia, Bangladesh, u Buhinde, Pakistan n’ibindi. U Rwanda rwifuza ko ibihugu byose biri muri Loni byasinya kuri aya mahame ariko rukanasaba ko ibihugu byose bitanga ingabo mu butumwa bwa Loni byakurikiza ihame ryo kohereza bafite ubumenyi, ubushobozi n’ubushake buhagije bwo gutabara abasivili.

Abitabiriye aya mahugurwa barashishikariza ibihugu, harimo n’ibyabatumye, gushyira umukono ku masezerano ya Kigali kuko ari yo atanga umurongo muzima y’uko ubutumwa bw’amahoro bukeiye kubungabungwa.

JPEG - 197 kb
Gen Nyamvumba atanga impamyabushobozi ku barangije amahugurwa




 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.