Advertisement
 
 
 
 
 
 
 
 

Politiki | Mu Rwanda

Umusirikare w’u Bufaransa yasabye Perezida Hollande kwemera uruhare rwabwo muri Jenoside   

  Yanditswe na MUGABO LAMBERT
 1 month ago

 
 

Umusirikare wari mu ngabo z’Abafaransa zari mu Rwanda mu gihe cya Jenoside yakorewe Abatutsi mu 1994, Guillaume Ancel, yashyize ahagaragara ibaruwa ifunguye yandikiye Perezida w’u Bufaransa amusobanurira uruhare rw’iki gihugu muri Jenoside.

Ancel, wari ufite ipeti rya “Lieutenant Colonel” abwira Perezida w’u Bufaransa ko igihugu cye cyakererewe kwemera uruhare rwacyo mu bikorwa yise kenshi “amahano” ntambara ya Algeria mu 1961, ubwo u Bufaransa bwatereranaga abari babwizeyeho ubuhungiro, ndetse no mu Rwanda ubwo bwafashaga mu bwicanyi bwakorerwaga Abatutsi.

Ati “Imyaka 55 nyuma y’ayo mahano, bisa n’ibyakererewe cyane, ariko nta n’umwe mu bakubanjirije wagize imbaraga zo kubigaragaza mbere yawe. Imyaka 33 nyuma y’ibyo bikorwa, mu 1994, u Bufaransa bwinjiye muri politiki n’igisirikare cy’u Rwanda muri Jenoside ya nyuma y’ikinyejana cya 22”.

JPEG - 101.6 kb
Guillaume Ancel (iburyo) arasaba perezida Francois Hollande(Ibumoso) kutijijisha ku ruhare rw’igihugu cye muri Jenoside yakorewe Abatutsi

Ancel yakomeje agira ati “Imyaka 22 nyuma y’ibyo bikorwa, mu 2016, twebwe Abafaransa, nta bwo tuzi uruhare rw’igihugu cyacu rwagize muri ayo mahano, kandi bikaba ari icyaha cyakorewe inyoko muntu […] Imyaka 22 nyuma y’ibi bikorwa, njyewe, wahoze mu ngabo z’u Bufaransa, nta bwo nzi uburyo nabisobanura.

Mu nyandiko ye kandi Imvaho Nshya ikesha ikinyamakuru Le Monde, uyu mugabo yakomeje agira ati “Mu gihe twashoboraga guhagarika abakoraga Jenoside, ntitwacogoye gusubiza inyuma abanzi babo. Mu gihe twashoboraga gukiza abarokotse ba Bisesero, nta n’ubwo nibura ubuyobozi bwavuze kubaha ubufasha. Mu gihe twashoboraga kubuza abicanyi ibyo bikorwa, twabafashije gucika kandi twongeye kubaha intwaro mu nkambi z’impunzi.”

Yabajije Perezida w’u Bufaransa ibibazo binyuranye byerekana ko nta cyo iki gihugu cyakoze mu kugaragaza ukuri ku ruhare rwacyo muri Jenoside yakorewe Abatutsi mu 1994.

Ancel amubaza niba yarigeze agira ubushake bwo gushyiraho komisiyo y’abanyamateka kugira ngo binjire mu mpapuro zibitse n’ubuhamya bagaragarize Abanyarwanda uruhare u Bufaransa bwagize mu byo yise amahano.

Kandi na none akabaza ati “Muzigera muha uburenganzira Abafaransa bwo kwicira urubanza bo ubwabo ku byo bavugwaho kuba barakoreye hanze y’u Bufaransa, ibikorwa bya gisirikare mu izina ry’u Bufaransa?”

Asoza, uyu musirikare yagize ati “Bwana Perezida, duhe amahirwe yo kumenya ibyabaye muri ariya mahano nta gutegereza ko ababigizemo uruhare bazimira. Mwemerere igihugu cyacu, niba gitewe ishema na byo, kumenya ibyakozwe ku izina ryacyo, kugira ngo kirinde icyubahiro cyacyo kandi no kwibuka abantu miliyoni bapfuye bari bafitiye icyizere u Bufaransa kandi tutaranashoboye kubibahakanira”.

Guillaume Ancel yahoze mu ngabo z’u Bufaransa, yavukiye muri Lyon ahitwa “La Croix-Rousse” ku wa 3 Ukuboza 1965”. Yari mu ngabo zirwanira ku butaka. Mu mwaka wa 2013, Ancel yinjiye mu itsinda rifite inshingano zo kurinda no kubungabunga imibereho ya muntu.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.