Advertisement
 
 
 
 
 
 
 
 

Politiki | Mu Rwanda

Umushinjacyaha mukuru mushya w’ urwego rwasimbuye ICTR arasura u Rwanda   

  Yanditswe na HERVE UGIRUMUKUNDA
 20 April

 
 

Serge Brammertz, umushinjacyaha mukuru w’Urwego rw’Urukiko Mpuzamahanga Mpanabyaha (MICT/Mechanism International Criminal Tribunal) rwasimbuye urukiko Mpuzamahanga Rwashyiriweho u Rwanda (ICTR) na Yugoslavia (ICTY), arasura u Rwanda kuri uyu wa 20 Mata 2016.

Minisiteri y’Ubutabera yabwiye Imvaho Nshya ko Brammertz arabonana na Minisitiri w’Ubutabera akaba n’Intumwa Nkuru ya Leta Johnston Busingye.

Uyu mugabo w’Umubiligi yasimbuye Hassan Bubacar Jallow wari umushinjacyaha Mukuru muri ICTR. Mbere yo kuba umushinjacyaha wa ICTR yari uw’Urukiko Mpuzamahanga Mpanabyaha rwashyiriweho Yougoslavia (ICTY) aho yasimbuye Carla Del Ponte.

JPEG - 39.2 kb
Serge Brammertz

Hagati ya 2002 na 2007, Brammertz yari umushinjacyaha mukuru w’Urukiko Mpuzamahanga Mpanabyaha (ICC).

Urwego rw’Inkiko Mpuzamahanga Mpanabyaha (MICT) rwashyizweho n’akanama ka Loni ku ya 22 Ukuboza 2010. Rufite inshingano zo gukurikirana imanza n’abanyabyaha byasizwe na ICTR/ICTY.

Kuva ICTR yashyirwaho na Loni mu 1994 yarakurikiranye abakekwaho jenoside yakorewe Abatutsi 92. Muri bo 85 bafatiwe mu bihugu by’amahanga naho abandi barimo n’umucuruzi wihishe inyuma ya Jenoside, Felicien Kabuga, baracyashakishwa.

ICTR yagiye inengwa gutanga ibihano bihabanye n’ubukana bw’icyaha no kudakurikirana bihagije Abakekwaho gutegura no gushyira mu bikorwa Jenoside yakorewe Abatutsi.

Urwego rwa MICT rwitezweho gushyikiriza ubutabera bw’u Rwanda abakekwaho Jenoside bakihishahisha hirya no hino ku Isi.

 

Comments

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.