2017-10-17 06:58:11 clouds 27o High | Kigali Rwanda

Dukurikire:
 
 

Umuryango FPR Inkotanyi wemeje umukandida, Paul Kagame

Yanditswe na IMVAHO NSHYA

Kuya 2017-06-17 14:05:56

 
Share on:
 
Yasuwe:372
 
Yavuzweho:200
 
10
 
10

Umuryango FPR Inkotanyi wemeje bidasubirwaho Perezida Paul Kagame ngo azawuhagararire mu matora y’umukuru w’igihugu ateganyijwe ku ya Gatatu Kanama 2017.

Kagame yemerejwe mu matora yabereye muri Kongere y’Umuryango yabaye kuri uyu wa Gatandatu ku ya 17 Kamena 2017, aho mu bantu 1930 batoye, 1929 bamutoye hakabonekamo impfabusa imwe.

Ni nyuma yuko Perezida Kagame yemejwe no mu matora yabereye mu midugudu, imirenge, uturere , intara zose n’Umujyi wa Kigali.

Amatora yo kwemeza Paul Kagame nk’umukandida yanitabiriwe n’abahagarariye amashyaka yo ku mugabane wa Afurika, nka ANC iri ku butegetsi muri Afurika y’Epfo, yari ihagarariwe na Edna Edith Molewa, wabwiye Perezida Kagame ko ishyaka rye rizakomeza kugirana umubano mwiza na FPR.

Hari kandi na CCM (Chama Cha Mapinduzi) iri ku butegetsi muri Tanzania yari ihagarariwe na Abdulrahman Kinana washimye uburyo u Rwanda rwateye imbere ku buyobozi bwa Perezida Kagame; bishimangirwa na Nelson Nzuya wari uhagarariye ishyaka rya Jubilee iri ku butegetsi muri Kenya. Andi mashyaka yitabiriye kongere ni iriri ku butegetsi uri Ethiopia n’iryo mu Bushinwa.

Andi mashyaka yemeje Perezida Kagame nk’umukandida ni PL na PSD. Umuyobozi w’ishyaka PDC, Agnes Mukabaranga nawe yavuze ko ishyaka rye rizamushyigikira kuko bamushimira uburyo ku buyobozi bwe mu Rwanda hagaragaye ubwisanzure ntihagire uniganwa ijambo, none igihugu kikaba cyarateye imbere,

Ati “Hari ibyo RPF yatuzaniye ariko hari n’impano perezida Kagame yifitiye, turamukurikira nka PDC, hari igihe adutungura mu bitekerezo bidasanzwe. Ni inararibonye ntabwo ari umwiga afite umwitangirizwa mu byo tumaze kugeraho, ni perezida wa FPR ariko natwe yaratuyoboye nk’Abanyarwanda, turifuza kumushyigira kandi tuzamwamaza nta kabuza intsinzi tuzayegukana.”

Umuyobozi w’ishyaka PPC Alvera Mukabaramba yunzemo ko mu myaka irindwi ishize, u Rwanda rwagaragayemo ibikorwa bidasanzwe ndetse avuga ko ishyaka rye riza gutangaza aho rihagaze vuba.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE