Advertisement
 
 
 
 
 
 
 
 

Politiki | Mu Rwanda

Uburasirazuba: Kaboneka yeretse guverineri Kazayire ibanga rizamufasha kwesa imihigo   

  Yanditswe na HAKIZIMANA YUSSUF
 1 month ago

 
 

Minisitiri w’ubutegetsi bw’igihugu, Francis Kaboneka, yasabye Guverineri mushya w’Intara y’Uburasirazuba Kazayire Judith, gukorana neza n’izindi nzego asanze kugira ngo azabashe gusoza neza inshingano ze.

Ubu butumwa Minisitiri Kaboneka yabutangiye mu muhango w’ihererekanyabubasha hagati ya Guverineri mushya Kazayire Judith n’uwo yasimbuye Uwamariya Odette, wabereye ku biro by’Intara y’Uburasirazuba i Rwamagana kuwa kabiri tariki ya 25 Ukwakira 2016.

Minisitiri w’ubutegetsi bw’igihugu Kaboneka Francis mu ijambo rye yagarutse cyane ku guhuza imbaraga no gukorera hamwe, n’inkingi yafasha uyu muyobozi mushya kuzuza inshingano.

Yagize ati “Mu miyoborere myiza kugira ngo bizakorohere, ubu ufite abafatanyabikorwa, hari abakozi b’Intara, hari inzego z’ibanze, hari abanyamadini n’amatorero bafite abaturage, hari imiryango itegamiye kuri Leta, hari ibyiciro by’abanyarwanda bitandukanye.

JPEG - 155.5 kb
Minisitiri Kaboneka, Guverineri Kazayire na Odette Uwamariya wahoze uyobora iyi ntara bashyira umukono ku nyandiko z’ihererekanyabubasha

Izo zose ni imbaraga ku rwego rw’Intara, ni imbaraga zawe, uzegere uzikoreshe, uzigishe inama, nubikora muri rwa rwego rw’imiyoborere myiza bizaba byoroshye bizanagufasha no gusoza inshingano zawe.”

Guverineri Kazayire Judith, yashimye icyizere yagiriwe na Nyakubahwa Perezida wa Repubulika Paul Kagame, akomeza agaragaza ibintu by’ingenzi azibandaho.

Yagize ati “Ikintu cya mbere nzibandaho ni ukwegera, impamvu twese twicaye hano impamvu twese duhabwa inshingano ni iterambere ry’umuturage, umuturage w’iki gihugu afite agaciro, arashinganye, bityo rero ni ukwegera umuturage muri gahunda zose zihari, ahabwa serivisi inoze, tumurinda gusiragira. Ikindi ni ukubungabunga umutekano, ikindi ni umuco wo gukorera hamwe ndetse no gufatanya n’abafatanyabikorwa batandukanye.”

Uwamariya Odette wahoze ari Guverineri w’iyi Ntara, yabwiye uwamusimbuye ko akazi ajemo ari akazi keza ariko karuhije.

Yagize ati “Akazi ka Guverineri ni akazi keza gashimisha ariko karuhije, karushya kuko gahurirwaho n’ibintu byinshi ariko kagashimisha kuko uba uri kumwe n’abaturage iyo bateye intambwe, iyo ugiye mu gutangiza igihembwe cy’ihinga ubashishikariza gutangira guhinga nyuma ukazabona basaruye ni ibintu bishimisha cyane, iyo ubashishikariza gutanga mituweri ukabona bivuza wumva wishimye.”

Uyu muhango witabiriwe na Minisitiri w’ubutegetsi bw’igihugu, abadepite, abakuriye inzego z’umutekano mu ntara haba mu ngabo na polisi, abahagarariye amadini, abayobozi ba za njyanama z’uturere na nyobozi z’uturere, n’abanyamabanga nshingwabikorwa b’imirenge yose igize intara y’Uburasirazuba.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.