Advertisement
 
 
 
 
 
 
 
 

Politiki | Mu Rwanda

U Rwanda rufite icyerekezo kubera Imana–Minisitiri w’Intebe   

  Yanditswe na TWAGIRA WILSON
 August 2016

 
 

Minisitiri w’Intebe Anastase Murekezi asanga intego u Rwanda rwahisemo kugeraho mu cyerekezo cyarwo zigerwaho kubera imbaraga z’Imana bigatuma igihugu cyubahwa mu karere no mu mahanga.

Ibyo Minisitiri w’Intebe yabivugiye kuri Sitade Amahoro, aho yari ahagarariye Umukuru w’Igihugu mu giterane cy’amasengesho ngarukamwaka cyateguwe n’Umuryango Peace Plan yiswe Rwanda Shima Imana kibaye ku nshuro ya 5.

Iki giterane cyahuje abayobozi b’amatorero hirya no hino mu Rwanda na Afurika ndetse no muri Leta Zunze za Amerika haturutse abahagarariye Itorero Saddle Back Church riyoborwa na Pasiteri Rick Warren. Hari kandi abahagarariye intara 13 z’inama nkuru y’Itorero Anglican muri Afurika n’abandi.

Minisitiri w’Intebe yunze mu ry’abahagarariye amatorero mu Rwanda aho asanga buri wese akwiye guharanira gushima Imana kubera ibyo yamugejejeho, aho kumara kudamarara no kugwiza imitungo umuntu akaba yatera Imana umugongo.

Yakomeje avuga ko ibyo atari ko bikwiye, nk’uko yabitanzeho urugero mu gitabo kiri mu Gutegeka kwa kabiri (Deutoronomy) 8 : 10 - 17.

Ati “Dushime Imana yaduhaye u Rwanda n’Umukuru w’Igihugu watoje abanyarwanda guhitamo inzira nziza yo kwihesha agaciro.’’

JPEG - 189.7 kb
Minisitiri w’Intebe Anastase Murekezi

Pasiteri Sengoga Joel uyobora Itorero Divine church rikorera mu murenge wa Nyarugunga, asanga Rwanda Shima Imana ari umwanya mwiza abayobozi bafatanya n’abakristu gusubiza amaso imyuma bakareba ibyo u Rwanda rumaze kugeraho rukesha imbaraga z’Imana.

Ati “Abanyarwanda bafite byinshi byo gushima, mu gihe cya Jenoside yakorewe Abatutsi mu 1994, bamwe mu Banyarwanda babonaga ijoro rije bakifuza ko ariko byakomeza kugira ngo babone uko bihisha, ariko uyu munsi buri wese aragenda kumanywa yemye kubera Imana’’.

Apotre Gitwaza uyobora Itorero Zion Temple, avuga ko amasengesho ngarukamwaka ya Rwanda Shima Imana ari ingenzi kuko afite imbaraga zo gukuraho ibibazo by’imitwe iteza umutekano muke nka Boko Haram n’iyindi yugarije umugabane wa Afurika n’ahandi.

Gitwaza ahamya ko ibiterane by’amasengesho byakemura ibibazo by’urubyiruko batari bake bagwa mu nyanja nini nka Mediterane bajya gushaka ubuzima ku migabane y’u Burayi n’ahandi.

 

Comments

 
 
 USA yatangiye kohereza intwaro hafi ya Koreya Ruguru
USA yatangiye kohereza intwaro hafi ya Koreya Ruguru

Leta Zunze Ubumwe za Amerika (USA) yatangiye kohereza bimwe mu bice bigize igitwaro gikumira ibisasu bya misile muri Koreya y’Epfo kuri uyu wa Kabiri; nyuma y’uko Koreya ya Ruguru yongeye gutera (...)

Angola: Perezida Dos Santos yatangaje umusimbura nyuma y’imyaka 37 ari ku butegetsi
Angola: Perezida Dos Santos yatangaje umusimbura nyuma y’imyaka 37 ari ku butegetsi

Perezida wa Angola, Eduardo dose Santos yatangaje kuri uyu wa Gatanu ko atazongera kwiyamamaza ashyiraho Minisitiri w’Ingabo nk’umukandida uzamusimbura. Dos Santos w’imyaka 74, yayoboye Angola (...)

Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.