Advertisement
 
 
 
 
 
 
 
 

Politiki | Mu Rwanda

U Rwanda na Tanzania bigiye kwiga ku gukoresha indangamuntu mu kwambuka imipaka   

  Yanditswe na IYAREMYE YVES
 May 2016

 
 

Abahagarariye Minisiteri z’ububanyi n’amahanga mu Rwanda na Tanzaniya basoje inama ya 14, aho baganiraga ku butwererane n’ubuhahirane hagati y’ibihugu byombi, hakaba hagaragajwe ko kuba hatarashyiraho uburyo bwo gukoresha indangamuntu nk’urwandiko rw’inzira ku bajya mu bihuhu byombi bikiri imbogamizi.

Mu ngingo 10 zizweho muri iyi nama harimo kubungabunga umutekano hagati y’ibihugu byombi, guteza imbere ibikorwa remezo, ubuhinzi, uburezi, ubucuruzi bwambukiranya imipaka, itumanaho, ubukerarugendo no kubungabunga ibidukikije.

Harimo kandi ubufatanye mu by’ubuvuzi no guteza imbere imiyoborere myiza y’abaturage, harushwaho kongera imishinga yatuma buri muturage ubarizwa muri ibi bihugu agira inyungu, n’ibihugu byombi bikazamurana muri rusange.

JPEG - 259.9 kb
Intumwa z’ibihugu byombi zishimiye ko umubano uhagaze neza (Foto Iyaremye Y)

Ambasaderi Jeanine Kambanda, Umunyamabanga uhoraho muri Minisiteri y’ububanyi n’amahanga y’u Rwanda, yavuze ko ibiganiro byagenze neza, gusa ko hakiri imbogamizi ku bijyanye n’uko abaturage b’ibihugu byombi bataremererwa kujya bambukira ku ndangamuntu.

Yagize ati:“Umwanzuro w’uko abaturage b’ibihugu byombi bajya bambukira ku ndangamuntu nkuko bigenda Uganda na Kenya ho ntabwo birabasha koroha, ariko twashizeho itsinda rigiye kwigira hamwe icyatworohera twese. Ntitwakwirengagiza ko inyungu ari nyinshi kuri twese abaturage baramutse bakoresha indangamuntu mu kwambuka.”

Ambasaderi Ramadhan Muombwa Mwinyi, Umunyamabanga wungirije muri Minisiteri y’ububanyi n’amahanga ya Tanzaniya, avuga ko guhura nk’ibihugu byombi bifite byinshi bihuruyeho ari iby’agaciro kuko inyungu atari iy’igihugu kimwe ahubwo ari iya byombi.

Yagize ati:“U Rwanda ni igihugu gifite byinshi byateye imbere Tanzaniya yakwigiraho, turareba uburyo abaturage bacu barushaho guhahirana no kubana neza, twiga uburyo ibintu byose byakorwa mu mucyo kandi neza.

Ku kibazo cy’indangamuntu imwe inzego zibishinzwe ziziga neza uyu mushinga kandi turabona bizashoboka kuko tubanye neza.”

Ambasaderi Kambada avuga kandi ko imwe mu myanzuro ijyanye no guteza imbere ubucuruzi itihutishijwe, aho bemeje ko yashyirwa mu bikorwa vuba, ndetse banemeza ko bagiye kujya bahura buri mezi atatu bakarebera hamwe ibyo bizeho aho bigeze bishyirwa mu bikorwa.

 

Comments

 
 
U Rwanda rukeneye abanyamakuru baharanira ukuri –Minisitiri Kaboneka
U Rwanda rukeneye abanyamakuru baharanira ukuri –Minisitiri Kaboneka

Minisitiri w’Ubutegetsi bw’Igihugu Kaboneka Francis yavuze ko umunyamakuru u Rwanda rwifuza ari uhagarara ku kuri kw’igihugu akanaharanira ahazaza heza hacyo. Ibi yabitangaje mu muhango wo kwibuka (...)

 USA yatangiye kohereza intwaro hafi ya Koreya Ruguru
USA yatangiye kohereza intwaro hafi ya Koreya Ruguru

Leta Zunze Ubumwe za Amerika (USA) yatangiye kohereza bimwe mu bice bigize igitwaro gikumira ibisasu bya misile muri Koreya y’Epfo kuri uyu wa Kabiri; nyuma y’uko Koreya ya Ruguru yongeye gutera (...)

Angola: Perezida Dos Santos yatangaje umusimbura nyuma y’imyaka 37 ari ku butegetsi
Angola: Perezida Dos Santos yatangaje umusimbura nyuma y’imyaka 37 ari ku butegetsi

Perezida wa Angola, Eduardo dose Santos yatangaje kuri uyu wa Gatanu ko atazongera kwiyamamaza ashyiraho Minisitiri w’Ingabo nk’umukandida uzamusimbura. Dos Santos w’imyaka 74, yayoboye Angola (...)

Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.