2017-08-17 08:49:58 clouds 27o High | Kigali Rwanda

Dukurikire:
 
 

U Rwanda na Laos byiyemeje gutsura umubano

Yanditswe na IMVAHO NSHYA

Kuya 2016-09-29 15:09:04

 
Share on:
 
Yasuwe:1
 
Yavuzweho:200
 
10
 
10

Ambasaderi w’u Rwanda muri Laos, Emma Francoise Isumbingabo ku wa kabiri yashyikirije Perezida w’icyo gihugu Bounnhang Vorachith inyandiko zimwemerera guhagarira u Rwanda.

Ni mu birori byabereye muri Ho Kham, ingoro ya Perezida wa Laos iherereye mu murwa mukuru w’icyo gihugu, Vientiane, nk’uko itangazo rya Ambasade y’u Rwanda muri Koreya y’Epfo ribitangaza.

Perezida Bounnhang yasabye Amb. Isumbingabo gushyira ingufu mu mubano w’ibihugu byombi.

JPEG - 107.6 kb
Amb. Isumbingabo ashyikiriza Perezida wa Laos impapuro

Isumbingabo yashimye ko ahawe umwanya wo kurema umubano hagati y’abaturage ba Laos n’Abanyarwanda, yizeza Perezida Bounnhang ko u Rwanda ruzakomeza gusigasira umubano wa dipolomasi umaze imyaka irindwi hagati y’ibi bihugu.

Ambasaderi w’u Rwanda kandi ari kumwe n’umujyanama we wa mbere, Claude Ganza Kanyanduga, baganiriye n’abayobozi batandukanye muri guverinomaya Laos barimo na Minisitri w’Ububanyi n’Amahanga, Khamphao Ernthavanh.

Isumbingabo asanzwe ari na Ambasaderi w’u Rwanda muri Koreya y’Epfo, n’Ubwami bwa Cambodia.

Laos ni igihugu giherereye mu majyepfo y’uburasirazuba bwa Asia, kigizwe n’imisozi miremire. Abakerarugendo bakunda kujya gusura ingoro z’aba Buddhist n’izindi nyubako z’abaturage gakondo baho. Gituwe n’abaturage basaga miliyobi esheshatu.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE